我的態度

今日約o左我細佬食lunch,去o左食一間幾出名o既雲南米線,可惜自己快佢太辣而無叫到最出名o既麻辣湯底,只叫了麻辣腩肉做食送,點知唔夠辣呀,唔多夠喉,下次一定要試麻辣湯底先得!!!!

之後細佬帶o左我去行一間叫"奇趣天地"o既舖頭,嘩,估唔到間o野咁大喎,有好多出面好少見到o既精品,睇得我好開心呢!!!!

下午番到公司繼續埋首工作,噢...雖然唔使OT,但呢個星期六日就要番屋企做o野呢...加油!!!!

===========================================

一星期終於完喇,硬係覺得呢個星期過得好慢,可能因為未適應新工,日日番工都好想放工,再加上雙眼狀態唔太好,日日都好辛苦呢!!!

經過一星期,預計到將來的挑戰應該不少,因為我過去一年o既經驗絕對太少,system o既新version有好多o野我都唔識,所以呢幾日都盡了所能積極惡補...可惜都唔係咁易話識就識...

不過,辛苦還辛苦,我feel到我o既態度"正確" o左,唔似我之前做過o個份"地獄"工咁,第三日就番屋企喊,兩星期後仲放棄埋!!!或者今次呢份工我比較有興趣啦,而且又有舊同事"睇住"(雖然我明白有人"睇住"唔係必然!!!),自己對於將來o既目標又清晰o左,所以我今次好似積極o左,加油呀,希望我呢個態度可以保持落去啦!!!!