周末

今日陪honey出又一城,因為佢要拎o野,點知去原來office十二點關門,搞到白行一趟添!!!

之後我o地去o左沙田,本來想試地下新開o個幾間食肆,點知好多人,而且都好似幾貴呀,結果都係去o左越棧,食o左最愛o既雜綿拼盆,好耐無食過,yummy!!!!之後shopping,好多人呀,而且好多舖都減完價,所以行o左成個下午都無收獲呢!!!!

由於我係咩都會放落袋帶出街以備不時之需o既人,今日用o個個袋又唔多受力,所以好重,'咩'到我膊頭好支力,好彩我honey幫我拎咋,お疲れさま!!!

行到四點幾好支力呢,由於今日不斷見到好多人食雪榚,所以我今日都好想食,點知無位坐,而且想食o既都幾貴,最終放棄o左!!!不過,我o地都去o左另一度試o左好得意o既普洱同飯焦味雪樣,小小一啖,味道都幾得意!!!!而最終呢,我o地去o左麥記食雪榚,雖然同貴價雪榚不能相比,但總算滿足了今天想食雪榚的欲望,哈哈!!!

走喇,我honey另有節目出o左旺角,佢幫我去探我一個月前睇過,之後心思思成日掛住o個個袋(好奇怪個袋咁靚點解仲未賣出去!!),仲幫我買o左呢,好開心呀!!!!

我好少扭蛋o架,但呢個鎖匙套係Q版廸廸尼公仔,而且又實用,所以今日忍唔住扭o左,仲要係我最鍾意o個款唐老鴨呀,好得意呢!!!

==========================================

夜晚睇勁歌,死火喇,開始同樂壇脫節添,好多歌都唔多識喇!!!不過今晚都有少少驚喜,就係我發現原來裕美歌喉唔錯,之前都無正式聽佢唱現場(大家知啦,錄音o既歌完全信唔過,stephy同twins都算表表者!!),估唔到佢聲底都幾紮實,唔錯,之前仲成日因為佢懶可愛而對佢有少少反感,而家有少少改觀呢!!!!

至於Joey,佢身型真係fit到漏呀,好正,不過佢每次著得少布表演,我就會不自覺留意到佢個頭真係好大...哈...