=========(以上內容係公司寫,由於無中文輸入,所以只好寫英文)=========
放工喇,貼o左膠布後好少少,但顧得腳踝位,前面d腳指位都救唔到!!其實我第一次著尖頭鞋咋,估唔到咁迫咁痛,腳指都迫到變形喇,真係佩服日日著住又行動自如o既朋友/同事呢!!!
記得細個每次整損手腳,沖涼都好怕傷口掂到水,因為一定好"o拿",隨住人越大,唔小心整親機會越少,所以都好耐無試過傷口掂水o個種痛...今次我成隻腳掌都損晒,仲見埋紅,腳部仲係沖涼時難免唔濕o既地方...所以洗白白時簡直痛死我...忽然覺得自己著o既雖然係"大人"鞋,但忍痛能力卻遠不及"小時候"...
今日先星期二,幾時捱到星期五俾我雙腳著番對舒服鞋透透氣!!!!
P.S. 原來係我dept個head個人唔鍾意人著涼鞋,所以唔俾人著...所以除o左我dept外,我見到其他dept o既女仔都可以著斯文靚涼鞋番工...真羡慕!!!!
今日lunch得我,媽同細佬三個出去食,回程時撞到個中學合唱團識o既師妹,其實我前排有寫過信俾佢,因為佢今年畢業,但原來佢搬o左,所以失去聯絡!!相隔五年後今日一見,大家都興奮咁拉住對方手,我仲特登行番轉頭陪佢行o左一段路添,哈哈!!!呢個女仔一向好叻女,中學時已經做聯校學生會主席,大學又讀政政,畢業了,份工都幾好呀,o係某大健康報紙做記者呀,真係叻!!!!傾o下傾o下原來佢有o係中學舊生會幫手,仲記得再上星期我係大角咀番工撞到中學同學,其中一個都提過今年係我中學三十週年,十月會有個舊生會飯聚,撞番呢位師妹正好方便我o地搞個畢業五週年Re-U呢!!!!
交換contact後我又沿路番轉頭行番屋企,點知係同一條路上又撞到另一位好友!!!呢位由小學到中學都同校,由細識到大,我亦係早前寫過信俾佢,佢今日同男友一齊,好似趕時間咁,所以我o地只能傾幾句咋!!分手後,我又再向前行,點知又撞到另一位中學同學,佢咪就係我早前係大角咀撞番o既其中一位,見到佢時我第一句係"好邪!!",仲差d嚇親佢,以為我話見到佢好邪!!!
雖然大家住同一區,但平時真係好日都唔會見到,今日一見就三個,真係幾'邪',哈哈哈!!!
之後去海港城,有間舖大減價,勁多女人,仲排長龍俾錢添,於是我都襯機添置o左一條黑色裙番工,本來仲想買黑褲,但點知我honey極力反對,因為佢覺得三十幾以上先會著西褲/黑褲番工喎...結果我就無買喇!!
番到屋企七點,原來舅父母o黎探我媽,於是我就接力打麻將等媽可以著飯,食完飯八點幾九點,又同細佬打機...一打就到十一點喇,今日節目實在太豐富喇!!!
一早落大雨,路邊水浸得好勁,d車行過踐起o既水差d整濕我,對鞋吹o左成個上午都唔乾!!!!番到office開電腦,一開就聞到陣燶味,原來個Mon 燒o左...食lunch,開開心心一大班人飲茶,叫o左超多點心,叫得太多食得好辛苦,又怕肥,最重要係呢餐唔平...真係快要破產!!!放工同同事打羽毛球,原本以為咁多人總有一兩個會同我一樣唔多識打,點知原來成team人個個都係高手,結果我打o左一舖,之後個幾鐘就淨玩NDS...下次都係唔去喇,哈...如果佢o地唔計我錢就仲好喇,因為我都無打過咁滯...
打完波一個人走先,點知唔認得路...我呢個路癡連旺角尖咀都唔多識路,更何況係灣仔!!我其實日日放工坐車知道就近有個站,點知行極都唔到...我大白天都未必搵到,更何況係夜晚...!!!後尾我咪亂行一通囉,轉o左入d小街,其實都有少少怕危險,行o下行o下好似去o左電車路,於是Vivi (Thank you so much!) 係電話教我睇巴士方向...噢!係喎,咁都要人教,我真係stupid...行o下行o下去o左銅鑼灣,仲要行到維園先有巴士...!!!!本來可以係灣仔又平又快番屋企,結果落住雨咁行成二十幾分鐘去到咁遠坐貴車番屋企...路癡果然名不虛傳...唉...
一年前未失業我已經養成o左番工放工利用手機睇片消磨遙遠o既上班路程!!買o左新機又有得番工後,呢個2.9寸Mon終於可以大派用場!!!我o岩o岩就睇完深田恭子o既"富豪刑事1"!!!我覺得"富豪刑事2"好似好睇d,因為誇張好多,更加"富豪",不過2入面o既kyoko就肥d!!!
http://www.tv-asahi.co.jp/fugoh1/
http://www.fujitv.co.jp/tears/index2.html
今日lunch大家叫飯盒,由於好快食完,所以大家就一齊玩NDS,佢o地一班大約九人差唔多人人都有NDS,於是七部機連線一齊打機,玩孖寶賽車!!!!小妹都係第一次玩NDS,但可能近排同細佬都有玩番超任模擬器,所以今日都打得唔差,總排名都有第五...(out of 8, haha),就係咁一班人每人拎住一部機打足一個鐘(我o地早o左食飯盒!),手指超支力,但幾有趣,哈!!
行完中環tour再行灣仔tour,呢棟building太舊,d 'lift'有離心力,仲close得好快,會夾親人,好驚!!!我同兩位新同事唔同team,但都係坐同一層,地方幾細,走廊窄,但好彩張台夠大,而我個位背窗,無人睇到我電腦(就算睇到都無所謂...因為所有Instant Messanger 都block晒!)!!!而我呢幾日o既task就係睇一d System Training Tools,好似以前d電腦書咁厚,有趣o既同事們仲特登影o左張相send去我email,相中有把尺度住我叠書高度總和係15cm!!!
行tour,食welcome lunch,影證件相...三點先坐埋位睇書,到六點半放工!!整體o黎講,今日都算順利...唯獨dress code有問題!!!當然,我有N咁多樣o野唔適應啦,公司大,'立'雜o野自然又多又煩...多張Form要填,又要交多樣文件,仲要特登開個怪銀行戶口出糧,好麻煩!!!!另外,車錢我已經負擔沉重,而層樓o既同事,特別係我team都無人帶飯,日日同佢o地出去CWB呢d高消費地方食飯都幾係...再加上置裝費...唉...投資很大!!!工時方面朝8點半晚...oh forget it la...當六點幾七點穩陣...再加上來回共三個鐘車程...六點半起身七點出門又係另一樣適應!!!最後,我係屬於HR,人事呢樣o野...今日行tour見到d人各式口面都覺得同以前番中小型公司好唔同喇(我爸晚飯時話如果知我係HR Dept就可能出聲叫我唔好轉工...噢,好似一盤冷水咁...但後尾佢又話學system 好喎...!),對於我呢個不善社交o既人o黎講,呢樣可能係最大挑戰!!!
Aza Aza Fightin!
ZZZ....
一朝我就主動搵老細,雖然已經係第四次辭職,但都係衰o左, 因為我俾得太多另一間公司o既資料,另佢有機會捉住公司缺點o黎叫我再三思!傾o左唔夠半個鐘,佢都知我心意已決,但都俾多個上午我上網搵資料同諗清楚...無法,唯有下午再交過信...
Lunch約o左尋日見番o既兩位中學同學食飯,去o左奧海城食日本o野,傾o左好多同學仔近況,仲提到以前中一o既豆釘已經眨o下眼中七,time flies!大學畢業做o野後,今次係第一次同中學同學食lunch,感覺真好,可惜今日我last day番呢區,有機會真係要搞個大型Re-U聚聚!下午番到公司,由於老細有o野要趕俾人,所以直到五點先再搵我傾計,一傾就傾到六點...本來我可以五點放工o架(呢度每星期五都早一個鐘放工,再加上我番Flexi-hour,八點半就番到公司,所以可以五點放工!),可惜...感受唔到五點放工o個種"爽"法!不過算啦,最後一日,無得咁計o既...
老細好有心機分析,佢提點我要注意呢行人事出名複雜,而且PeopleSoft不及ERP/SAP出名及應用大,叫我揀大公司就不如揀最好,仲話我唔使咁急,有心搵機會一定有,又suggest我可以邊做邊慢慢搵!(o下!到時走咪仲hurt?)老細似乎真係當o左係"朋友"立場o黎同我分析喇,無可否認佢o既Concern係正確,但"一做就要做最好"o既機遇唔係人人有,既然而家我有"更好"o既機遇,而我之前亦見識過幾份中小型企業o既運作,見識大企業運作亦係時候了!Anyway,我知道呢位老細的確好好人,亦對我好好,(女同事都話佢似乎幾開心請到我!)但世界很大呀,雖然呢度人工較理想,但我唔想好似老細咁o係同一個地方一做就做十幾年呢!
再見喇,好開心遇到個咁好人o既老細,亦好開心同女同事過o左愉快o既幾日,對公司造成不便真係唔好意思,希望我呢幾日內寫好o既software usability comment (原本老細expect遲d先做,但我得閒得滯已經做好...!)對你o地有用啦!
我o黎喇,星期一o既挑戰!我當然明白今日呢一個結束只係我另一個開始,處理不宜,我可能一世只會停留係同一個位置...好彩,而家我唔使邊讀書邊番工,放工唔使掛住d功課,所以我一定要認認真真看待o黎緊呢一個挑戰!Good Luck!
P.S. 我上網搵到一篇好好o既文章(http://uspace.unet.hk/index.php/action/viewspace/itemid/124),詳細咁分析我將會從事o既行業概況,其中有因素仲令我覺得今次決定無錯:"
企業計算(Enterprise Computing)是稍時髦較好聽的名詞，主要是指企業資訊系統,如ERP軟體(企業資源規劃)、CRM軟體(客戶關係管理)、SCM軟體(供應鏈管理，即物流軟體),銀行證券軟體,財務軟體,電子商務/政務(包括各種網站)，資料倉庫，資料挖掘，商務智慧等企業資訊管理系統.
搞這方面的好處是:
(1)人才需求量極大...
(2)這方面的入門門檻相對較低(如果你的軟體功底不是很深,可考慮這一領域) (feonko: 我便是這一類了!)
(3)這方面的大公司較多...如果將來想到大公司找一份相對穩定的工作，從事這方面機會要大很多。
但缺點也是明顯的:
由於這方面的入門門檻較低，雖然人才需求量大，但將來競爭對手會較多。(feonko: 咁即係不思進取,將來薪籌只會被拉低,特別係更難同大陸競爭!)...國內在這方面人才領域的主要問題是，有經驗的高手太少，皮毛瞭解的人太多。
從事企業計算領域，最重要的技能型技術課程是:
(1)J2EE架構與程式設計
(2)大型資料庫系統(如Oracle)
(3)基於UML的系統分析與設計。
其中尤其以J2EE最為重要，目前J2EE已成為企業計算軟體發展的最主要平臺...(feonko: 似乎要自己增值,我可以從呢方面著手!)
雖然從事企業計算的人才多，但以下企業計算領域無論國內外都屬稀缺人才:
(1)掌握大型ERP系統，主要是SAP系統，包括SAP Basis(系統管理)或SAP ABAP(編程)或SAP功能模組實施(特別是財務模組FI的實施)。SAP顧問身價是最高的，而且非常難找。其他大型ERP系統，掌握PeopleSoft(feonko: 這便是我下一份工有機會接觸o既範籌了!)、Oracle Finacial、J.D.Edward、Siebel等大型ERP軟體系統的人也很值錢。這方面的人之所以身價奇高，主要是因為這些軟體很專業，特別大，很難有D版可學習，只有特大企業(如世界500強，90%以上使用SAP)才用得起，而且必須有實際工作經驗才能掌握。如果是一個人人都很容易有機會接觸的軟體，那麼這方面的人通常就不會稀缺。如果大家將來有機會接觸學習這些大型ERP軟體系統的機會，建議毫不猶豫地抓住，那將捧上一輩的金飯碗。 (feonko: 希望係真!)在國外，會SAP的人特別值錢。物以稀為貴，這永遠是顛撲不破的真理。SAP的價值不僅是因為他是一個ERP軟體，而是其中體現的現代企業管理理念(如根據訂貨需求自動安排原料採購和生產計畫等)。一般500強公司絕不會像國內很多企業那樣，用J2EE從頭設計企業的ERP系統(即將是怎樣的人力投入，而且設計出來的系統怎麼可能是完善的?)，一定都會使用SAP這樣成熟的ERP軟體。用不起SAP的公司可能會用J2EE設計ERP系統。
"
講開中學同學,今年我o地其實畢業五週年呢,似乎係時候搞個大型gathering呢!!!
===============================================
由於已確實答覆了另一間公司星期一上班,所以聽日就要鼓起勇氣同老細講辭職...
老細實在太好人喇,雖然有o野要做,但事實上我並唔忙,但佢今日竟然同我講唔好意思,話呢兩日咁o岩比較忙,下星期會好d (事實上忙o既係佢呀,我一d都唔忙!!) 似乎佢怕一開始太多o野做會嚇親我, 咁o既老細點搵呢...再加上我同我team o既女同事又難得勁好傾...聽日點開口呢...真係好唔好意思,好似負o左老細請我份心意呢...
距離上次上班大半年喇,久違o左呢種感覺!!!由於新公司同我對上一間公司環境有少少相似,所以都令我諗起第一日番對上份工時o既情境...當然,上一份o既經歷並唔愉快!!
好彩,今日番工呢度同上次好唔同,因為無壓力!!同我一team o既有另一位女仔,佢眼大大幾可愛,而且好Nice,更出奇地,佢原來讀multimedia,所以深明我搵工時遇到o既困難,我o地好快就熟落,無論傾計定問公司o野都好易開口,佢仲介紹o左幾位同事我識,大家都係後生仔女,都唔難相處!!!
至於老細呢,佢同我interview 時無乜分別,都係俾人感覺好溫文,講o野細聲到好似鬼佬,我要好集中精神先聽到佢講咩(女同事話佢講到重要關頭會特別細聲,我聽唔到可以"o下"佢喎!!
Anyway,以女同事於呢間公司做事年半o既經驗,佢都話我另一位offer人工雖低,但比較有前途(佢唔會有私心喇,因為呢team人早兩個月前走o左兩個人,所以佢做到成隻'積'咁,我走o左對佢無好處呢!!),所以呢星期尾相信我又要...
聽日番工,所以今日係短期內最後一早陪我媽食lunch(手牚)台腳!!!番到屋企無耐就出門口,因為要去上次written test得十二條MC間公司見工!!見o左半個鐘,份工係做market research/民意調查,雖然係一間成日幫政府做o野o既大公司,而我對data analysis都有少少興趣,但要寫research plan同需要成日travel,所以感覺麻麻!!!
番到屋企六點,開電腦check email時真係太驚喜喇!!!!因為上星期一final in那份工用email通知我有offer了!!!(如果我一早check email,我就唔會出去in今日份工喇!)雖然人工俾我要求o既低好多(車錢超貴!),而且係contract而唔係permanent工,但始終係大公司,project involve成個亞洲region,仲係我好想學同做o既電腦o野,所以如無意外,我應該99%會接受呢一個offer了!!!!至於聽日份工呢,人工合理,車費又少一半,仲係permanent offer,但project係對內,雖然係under technology department,但我實際唔使掂programming,所以工作性質應該似admin/research!!如果我未來呢幾日證實到份工真係一d都唔time demanding,無疑係一份穩穩定定,平平安安o既好工,不過...平安穩定o既程度可唔可以勝過前者就真係要睇未來呢幾日喇!!!
如無意外,搵工o既辛苦路似乎暫時到達終點喇,好多謝我個幕後軍師CLok同埋Mini Person迷你人,前者俾o左唔少好有用o既意見幫我改善CV,後者就教我想o係usability analysis o既方向發展應做o既準備同注意o既事,你o地o既分析同意見都幫到我唔少呢!!!!!最後仲要多謝早一個月前俾我reject o左o個份工,唔係呢份工,我都唔能夠咁清錯咁確定自己事業o既發展方向呢!!!!最後當然仲要多謝Menu, CLok (Again)同仙廸,我深深Feel到你o地比我仲要肉緊我搵工o既事呢,哈哈!!!!!今次,我要作出一個明智o既決定,唔會令大家失望同擔心!!!!!
其實女仔o黎講,我打機都有番咁上下,因為細個屋企有部超任,所以我同我細佬成日一齊打機 (我細妹唔識打!),最鍾意就係一齊玩"孖寶賽車",呢兩日係電腦又裝番個模擬器,所以有得玩番呢隻game,但唔知點解成日都輸俾電腦呢,我同我細佬都記得呢隻GAME有個特別版可以無限放同一種武器o架,但搵唔番呢隻ROM,如果搵得番就可以所向無敵喇!!!!哈!!!
打完機同爸同細佬睇鋼煉電影,開頭好悶,後尾都OK,至少個故事易明過電視卡通...
公司係一間Architecture公司,見工前我曾因為個網頁同公司位於o既地區而誤以為係細公司,但今日我Honey話我知(我honey從事土木工程)佢老細話呢間o係Archi呢行算大呢!!!而我,名議上就係受聘口呢間公司o既Technology子公司喇!!!呢間公司番五日工,無雙糧無Bonus無OT Pay,同我honey一樣,可能呢一行係咁o卦...而月薪呢...完probation有多一K加,都OK啦!!!!
最有趣o既,就係呢間公司o既上班時間!!!!!呢間公司星期一至四番九至六點半,俾一般公司番多半個鐘...不過,星期五就係happy Friday,可以早一個鐘放工,即係番九至五點半,咁o既安排唔知係咪為方便員工星期五放工去Fever呢???另外,呢間公司仲實行彈性上班時間(以前香港塞車嚴重時就聽政府宣傳得多,但見工咁耐都係第一次遇到實行呢樣o野o既公司!!!),員工可以自由選擇番工時間,早o既可以八點番放五點半,遲o既可以番十點放七點半!!如果真係可以自由選擇番工時間 (唔使配合我team人???!!!),咁我一定早番早放呢!!Yeah!!!
下星期二我就正式番工喇,希望少d OT,工作順利,老細好人,學到o野啦!!!
===============================================
夜晚,終於見到我歐遊(一行六人)回歸o既細佬喇,黑o左同瘦o左少少呢!!!!成家人七咀八舌咁不斷問佢呢樣o個樣,好熱鬧,好耐無試過喇!!!原來我細佬臨番o黎前打番香港同我媽講要食叉燒,煎蛋同魚呢,睇怕佢今餐一定食得好滋味!!!!食完飯,佢unpack晒佢d行李,我同我妹幫手排好佢d手信同戰利品影o左張大合照,其實佢都唔係買o左好多o野咋!!!之後我細佬就拎佢本迷你notebook讀番自己每晚mark低o既當日行程,一講就講o左兩個鐘,我同爸媽都聽得津津有味,我邊番睇佢旅行拎番o黎o既地圖同leaflet,真係好羡慕佢去歐洲呀,我真係超級超級想去,而且仲係要自己去,,一定唔要跟團,我好想擁有自己o既旅程!!!但...唉...我無信心一個人plan...唉...我究竟幾時先可以實現歐遊o既願望呢!!!!????
我今日打開報紙就忍唔住不停尖叫!!!我的비實在太正斗喇!!!
<明報>韓國人氣型男Rain，不愧當選台灣雜誌選舉的「最完美身材藝人」，他的胸肌一騷再騷，歌迷依然甘之如飴﹔歌迷認為其舞姿非常強勁，身體幾乎無多餘脂肪，絕對是完美身材的最佳示範。
Rain為百事拍攝廣告，可說是「用胸有地」，他與另一位胸肌型男古天樂同時大騷肌肉，相比之下，Rain的42吋胸肌穩佔上風。兩人在廣告中飾演馬戲團成員，Rain是飛刀手，而古仔則負責噴火﹔大隊為了Rain，移師韓國拍攝，首次開工作會議時，Rain居然親自現身，並提供不少意見。
由於rain對金屬物料敏感，經理人反對在他身上塗有金屬化妝，但rain卻很喜歡此構思，故游說經理人公司﹔他把超過18種金屬貼在身體上作試驗，現時貼在他身上的都是純銀。rain又稱，與蔡依林、陳冠希及古天樂一起看完成的廣告後，覺得真的拍得好cool
今朝八點十五分就起身趕住出門口,如果唔係就無電梯!!我同媽咪出到旺角只係九點幾,所以去o左酒樓飲茶,其間我o地仲遇到都係住我座樓o既一位婆婆呢!!由於做足準備,我o地邊睇雜誌報紙邊食o野,時間都唔多難過!!話咁快十二點喇,我同媽就去買戲飛睇今日o岩o岩上畫o既"反斗車王"!!!
之後我o地緊係做女人o既強行~Shopping!!!仲諗住應該可以好快消磨時間,點知天氣又熱又焗,我o地仲要行花園街,真係有少少手羅苦o黎辛,所以行o左一個鐘多少少已經頂唔住番番去新世紀廣場!!!!睇o下錶,兩點三咋,但我媽已經被又焗又熱o既天氣搞到頭痛,所以無心機行街,最失敗係我o地買o左4點40分飛,如果買2點50分咪時間o岩o岩好囉,認真失敗!!!最後我同我媽去o左杏花樓食糖水,好慢好慢咁食,食到三點半,然後再去foodcourt坐坐到四點三,真係辛苦,但終於捱到四點半入場睇戲喇!!!!
本來我可以請我媽睇戲應該好開心,因為我媽無幾可會去戲院睇戲,但我知佢好頭痛...好彩套戲夠搞笑,希望我媽睇得開心啦!!!睇完戲快七點,我同我媽都歸心似箭,真後悔,如果睇兩點十番到屋企咪差唔多六點等到有電囉,唔使搞到而家頭又痛番到屋企又夜!!!!唉...Anyway,終於捱過o左無電o既一日喇!!!!
P.S. 其實如果我唔使陪我媽媽,我會選擇係屋企睇書學日/韓文,只要屋企仲有水就得,因為我本身係室內唔怕無冷氣,捱得熱呢!!!
P.S. "反斗車王"都幾好睇,特別係葛民輝o既配音,好正!!!最衰片尾時睇唔切配音個cast list,好想知道邊個配o個架紅色大車,因為片尾花絮時佢猛讚自己配得好聽!!!好搞笑!!!另外,睇完後我行出街見到頭幾架車時(包括火車),都不自覺咁覺得d車有眼同咀呢!!!!(不過好似都係怪獸公司, Finding Nemo好睇少少!)
出到旺角,同cindy行o左陣街,由於街上實在又多人又熱,所以等埋Jenny, Rebec後,我o地就去o左波鞋街附近一間無煙西餐廳坐低傾計!!Clok, Emily, Bess,Athena陸續o黎到,開完餐後我o地又嘻嘻哈哈咁嘈喧巴閉,講起yahoo blog,投資,游船河,九寨溝,如果真係可以一齊去九寨溝就好喇,因為我o地一班人話要一齊去旅行已經講o左幾年喇!!!!
番到屋企真係超級眼訓,自上星期不斷interview同捱夜睇波,我成個星期都無apply 過新工咁滯喇,今個星期要回複正常生活,訓番飽再努力send application先得!!!
===========================================================
夜晚睇神雕俠侶,開頭睇trailer以為女主角係黃聖依,即刻唔想睇,但後尾再留心睇,原來唔係,而且留意到d畫面拍得好華麗(九寨溝真係好靚!),楊過仲好似好靚仔添!!!!o睇o左第一集,開首跟足原注,李莫愁出場好有氣勢,佢o個句"問世間情為何物,直教生死相許"真令人懷念!!!全真派d陣勢都排得好足,好似耍雜技,又似matrix,睇得出製作好認真,武指一定對原注內o既招式研究得好切底,難怪呢套劇o係大陸收視節節上升!!...諗諗o下,我睇完神雕到而家成十年喇,有少少情節真係唔多記得呢!!!無記咁耐無做過金庸武俠小說,真要好好追看先得!!
過兒好靚仔,有d似古天樂,不過古天樂做過兒時仲係白雪雪,無黃曉明咁型!!
我覺得小龍女baby face o左少少,同埋仲差少少清雅脫俗feel!!!!(不過呢個年代,真係無乜人擁有呢個特質呢!)
白雪雪o既Mr Cool版過兒!!
