大姐們又聚餐喇!!!

好開心o既一日!!!!朝早同平日一樣,混混噩噩咁過,但其實有少少唔開心,因為上星期四in o既一份工話如果有消息就會今個星期初通知,但今日已經星期三,似乎無望,所以今朝有d失落!!!!五點幾出門,因為約o左大姐會d好姊妹食飯!!!就係坐巴士途中,我收到呢間Architecture公司o既電話,話俾offer我,我星期五就會上去答約,好開心呀,心情即刻靚晒!!!!

出到旺角,同cindy行o左陣街,由於街上實在又多人又熱,所以等埋Jenny, Rebec後,我o地就去o左波鞋街附近一間無煙西餐廳坐低傾計!!Clok, Emily, Bess,Athena陸續o黎到,開完餐後我o地又嘻嘻哈哈咁嘈喧巴閉,講起yahoo blog,投資,游船河,九寨溝,如果真係可以一齊去九寨溝就好喇,因為我o地一班人話要一齊去旅行已經講o左幾年喇!!!!