第一日番工,感覺唔錯!!!
距離上次上班大半年喇,久違o左呢種感覺!!!由於新公司同我對上一間公司環境有少少相似,所以都令我諗起第一日番對上份工時o既情境...當然,上一份o既經歷並唔愉快!!
好彩,今日番工呢度同上次好唔同,因為無壓力!!同我一team o既有另一位女仔,佢眼大大幾可愛,而且好Nice,更出奇地,佢原來讀multimedia,所以深明我搵工時遇到o既困難,我o地好快就熟落,無論傾計定問公司o野都好易開口,佢仲介紹o左幾位同事我識,大家都係後生仔女,都唔難相處!!!
至於老細呢,佢同我interview 時無乜分別,都係俾人感覺好溫文,講o野細聲到好似鬼佬,我要好集中精神先聽到佢講咩(女同事話佢講到重要關頭會特別細聲,我聽唔到可以"o下"佢喎!!!)!!!今日老細都有俾o野我睇同做(工作亦係我有興趣的...只係放在一間Archi公司做,似乎硬係古古怪怪而已...!!!),但佢講明我唔使趕時間,因為唔想令我有壓力,中午時佢仲問我"支力唔支力"添,女同事都讚佢係一位好好人o既老細呢!!!若過留係度,的確可以安安定定呢!!!
Anyway,以女同事於呢間公司做事年半o既經驗,佢都話我另一位offer人工雖低,但比較有前途(佢唔會有私心喇,因為呢team人早兩個月前走o左兩個人,所以佢做到成隻'積'咁,我走o左對佢無好處呢!!),所以呢星期尾相信我又要...
咁快俾d新同事知你有離心...
回覆刪除哈哈,同d新相識o既人好似特別易傾d敏感話題呀,一o黎我"新",二o黎對方都可能無渠道"渲洩"呀,我對上兩份工都有類似經歷呢!! 不過其實我唔係特登話佢知o既,只係傾開大家搵工o既難處,咁我咪順便問佢意見囉,話晒佢做o左年半,都知呢份工出路如何呢!!!
回覆刪除睇呢妳都幾唔錯喎!! 我呢幾日就好慘啦!! 我boss 好煩, 又多多要求, 好似咩都唔滿意咁, 壓力好大, 有d頂唔順佢啊, 有d唔想做啊!!
回覆刪除今日係第6個星期實習，仲有4個星期就完，9月又要重新返回工作崗位喇，有點唔敢想像! 因為我怕我唔習慣、又有d唔捨得現在的工作...最重要係而家返工要15分鐘，遲下返工要1.5個鐘，分別好大。第時搵工就係要搵份近d，慳番d travelling time。
回覆刪除有個好老世係一件好難得的事,起碼可以令到D staff 對間公司有歸屬感啦! 比心機做呀!加油!
回覆刪除其實初加入一間公司, 係需要細心觀察, 再衡量一下, 公司 offer 到o既, 比起自己重視o個幾方面, 係唔係平衡啦. 來來去去, 不外乎係: 人工, 公司名氣, 職位跟自己o既興趣 match 與否, 同事夾唔夾, 上司夾唔夾, 交通, etc. 聽起上來, 你老闆似乎都唔差, 好少有老闆會主動叫你唔好急的. 其實係咩類型o既公司? I mean, 係一間 IT 公司, 定係其他行業o既公司o既 IT 部門呢? 祝你好運.
回覆刪除當吸收吓工作經驗, 學吓嘢先囉!!
回覆刪除To 加莉: 你過o左probation未呀??如果真係做得唔舒服就唔好勉強自己呀,決定走就要爽快,拖o既話只會浪費雙方時間呢!!如果留低,咁就唯有盡你所能發掘(無都要諗到好似有!!!)老細值得你欣賞o既一面,如果成日諗住佢唔好o既一面,只有自己辛苦呢!!! To 仙廸: 你個實習咁快完o既??唔夠三個月喎!!!!時間過得好快呀,你要好好爭取剩餘四個星期o既學習機會呀!!! To alonetbc: 係呀,呢個老細真係我遇到o既最好人,唔可以話佢無要求,但佢俾o野你做時會好客氣,唔好話我o岩o岩番工,所以手頭上要做o既唔急又唔趕,就算我同事咁,佢前排都好忙,但都唔會有壓力!!!相信呢份工若果能令我留低,最大原因都係呢位難得一遇o既好上司了!!! To mini person: 係一間建築公司o既technology 子公司呢!!!...都可以當係IT公司吧!!你講o既因素,我覺得呢份工都唔差呀,只係timing唔夾,如果我已經年資多d,經驗豐富d先入呢間公司,無疑係一份安定o既工,但作為打工新仔,呢份工未免太穩定,學o既o野可能無人o地咁快咁多,對於自己將來再轉工,似乎幫助唔太大...除非我想係呢度打一世工啦,咁就唔使考慮,呢度一定係安樂窩o既必然之選!!! To Ken: 係呀,就算心中已打算接受另一個offer,呢幾日經驗就算學唔到咩,但都叫擴闊到自己眼界,了解到ARCHI呢一行o既工作環境呢!!!
回覆刪除已經過左試用期啦! 剛四個月了, 我都唔知啊, 妳話公司唔好咩又唔係, 只係boss 好難頂, d客又煩喎, 不過呢個boss就快走啦！唔知第時會變好定壞， 只好睇定ｄ啦！！ 最慘係成日影響心情，情緒低落，，，，，
回覆刪除