打機

一家五口出沙田食o野,我細佬特別話要食王家沙,因為佢真係特別掛住中國食物...哈!!食完一家人shopping,除o左爸之外,每人都有收獲!!夜晚食完飯又同細佬打機,可能多年無打過,技術生疏o左,我同細佬玩極都嬴唔到電腦...!!!

其實女仔o黎講,我打機都有番咁上下,因為細個屋企有部超任,所以我同我細佬成日一齊打機 (我細妹唔識打!),最鍾意就係一齊玩"孖寶賽車",呢兩日係電腦又裝番個模擬器,所以有得玩番呢隻game,但唔知點解成日都輸俾電腦呢,我同我細佬都記得呢隻GAME有個特別版可以無限放同一種武器o架,但搵唔番呢隻ROM,如果搵得番就可以所向無敵喇!!!!哈!!!

打完機同爸同細佬睇鋼煉電影,開頭好悶,後尾都OK,至少個故事易明過電視卡通...