今日成日都硬係唔太順利咁,雖然未至於黑仔,但總係有d唔如意!!!
一早落大雨,路邊水浸得好勁,d車行過踐起o既水差d整濕我,對鞋吹o左成個上午都唔乾!!!!番到office開電腦,一開就聞到陣燶味,原來個Mon 燒o左...食lunch,開開心心一大班人飲茶,叫o左超多點心,叫得太多食得好辛苦,又怕肥,最重要係呢餐唔平...真係快要破產!!!放工同同事打羽毛球,原本以為咁多人總有一兩個會同我一樣唔多識打,點知原來成team人個個都係高手,結果我打o左一舖,之後個幾鐘就淨玩NDS...下次都係唔去喇,哈...如果佢o地唔計我錢就仲好喇,因為我都無打過咁滯...
打完波一個人走先,點知唔認得路...我呢個路癡連旺角尖咀都唔多識路,更何況係灣仔!!我其實日日放工坐車知道就近有個站,點知行極都唔到...我大白天都未必搵到,更何況係夜晚...!!!後尾我咪亂行一通囉,轉o左入d小街,其實都有少少怕危險,行o下行o下好似去o左電車路,於是Vivi (Thank you so much!) 係電話教我睇巴士方向...噢!係喎,咁都要人教,我真係stupid...行o下行o下去o左銅鑼灣,仲要行到維園先有巴士...!!!!本來可以係灣仔又平又快番屋企,結果落住雨咁行成二十幾分鐘去到咁遠坐貴車番屋企...路癡果然名不虛傳...唉...
大個女勒，快d學下認路勒﹗
回覆刪除我去陌生地方一定會事前上網搵地圖同巴士路線,咁反而未試過係呢d陌生地方迷路...所以我睇地圖係無乜問題o既,睇怕我都要係我手機裝番張香港地圖以防我又蕩失路...
回覆刪除haha, 我以前公司都試過燒mon, 出煙添呀~~燒左就可以換LCD。幾好丫, 返左幾日工就一齊打波。
回覆刪除燒o左o既係LCD MON喇,仲要話我番工先新裝o架,不過就無出煙,但聞到佢d味勁燶...哈...好彩有新MON替換,唔係就無電腦用喇! 係呀,班同事都幾易相處,我老細仲係較友善同搞笑o既一位,都幾好人,當然啦,我仲未正式做o野,所以唔知公事上佢係咪一位好老細,但應該都唔會太差o既!!!!
回覆刪除第一星期返工，就同同事打成一片，幾好呀，熟d，至少可以大擔d問工作上既野啦! feon，路在口邊，下次問下人就唔使花咁多時間啦! 我初返工時，都有試過去禮頓山社區會堂做野，夜晚先走，我又唔熟路，去時又有人帶去，唯有慢慢認下路，望下d巴士...好在都唔太難就出返去市中心。
回覆刪除