過去呢一個月,老公子為o左考試成日唔得閒陪我出街,夜晚訓覺更加係晚晚都我訓先,溝通機會少o左好多...不過由於我上床訓覺唔再被'人'騷擾,我大部份時間可以十二點半前訓,有幾晚仲未夠十二點就訓得,精神狀態比之前一個月好好多呢!!!
由於老公子要把握時間溫書,所以去兩邊屋企食飯o既次數減少o左,不過,我就因此煮多o左飯!!!哈哈,honeymoon後到而家其實只係兩個月多少少,但一包五公斤米已經俾我o地兩口子食清光!!好勁!!!
哈哈,每次跟住書仔煮完一d賣相比較靚o既飯食送,我都忍唔住要影低佢,以下呢幾樣美食都獲得老公子讚賞o架!!
上左至右: 檸汁雞, 焗麵包布丁, 曲奇 (呢次係第三次焗,用得比較多牛油,所以亦係咁多次最鬆化o既一次~!)
下左至右: 焗辣意大利汁三色粉, 西炒飯, 咕嚕雞&老少平安!!
為o左老公子有好食送食,我o地尋日去大眾買o左本小菜王,佢內裡有成千種菜式呢...哈哈,如果我跟足,咁咪即係日日煮o既話三年都唔會重複食送菜囉???
另外,由於老公子考試,所以屋企先邀請我o既朋友o黎house warming,至於佢o既朋友仔呢,我o地正努力安排時間o架喇,等我o地呀!!
一班好姊妹!
o係大學同學介紹下,我o地仲o係淘寶買左少少得意card games招呼朋友呢!!
至於三個月慶祝呢...係無o既,不過尋日襯老公子考完試,我o地出o左去旺角,為o既只係要去食阿SO推介o既綿花冰!!!
兩點九去到,等左半個鐘有得食,點知店內寫住仲未有番石榴,於是叫o左個紅豆涼粉同綠茶冰,好彩,食食下有水果送到,果然就係番石榴,於是我o地即刻叫埋個石榴冰!!!個石榴冰一上台已經好香,真係好好味,個綠茶冰反而普普通通,個紅豆涼粉更加係唔多OK,出面大把甜品店好味過呢度!!!
右上: 阿土麵線,之前成日聽人話好味,今日終於試埋喇,都OK!!!
左下: 石榴冰!!個百香果醬好香呢!!
今日o既慶祝活動: 換床單,哈哈,今次換第三款床套,都幾靚呢,呵呵!!
d 食送菜好靚呀! 我鍾意食 焗麵包布丁!
回覆刪除我之前都食過間棉花冰, 覺得普通, 可能我都唔係好like食冰, 同埋覺得好唔抵..ha
[SkyBlue回覆09/21/2009 09:58:00]係呀,真係好貴,我地咁叫已經要$92喇...如果俾我下次去,我一定用佢D紙仔自己劃,唔會要加生果,用紙仔劃就咁番石榴冰$25囉,咁樣好似抵D!!
你真係好老婆呀 , 我3個月加埋都煮唔到3餐呀 , 其實我都想煮架 , 不過真係唔識又無人教我 , 我諗我都要學你買本小菜王先得呀~~~~
回覆刪除[SkyBlue回覆09/21/2009 10:01:00]我開頭都唔識o架,都係婚後先開始煮咋...所以到而家都仲要成日問我媽o架,哈哈!!!我諗住今晚就跟小菜王煮呢,希望OK啦!!你都買番本學煮啦,頭幾次得到老公讚好味真係好有滿足感!!!
反而結婚之後我少左下廚...
回覆刪除[SkyBlue回覆09/21/2009 10:02:00]點解o既?因為多左去兩邊屋企食飯??
我昨日都買左副 DEAL 同怪獸同佢父母玩, 都幾好玩呀~ 我係咁叫佢教我玩大富翁, 佢話我實冇心機玩喎~!!
回覆刪除我都想買副 6 TAKES 呀~ 等我又淘寶搵下先~
[SkyBlue回覆09/21/2009 10:04:00]我個FRIEND都教過我玩大富翁o架,當時聽到佢D策略先知大富翁一D都唔簡單,不過我都唔多記得D策略係點喇...如果怪獸教識你,你記得話我知呀,哈哈!!
我o係淘寶買6 Takes個web你可以去我另一邊blog睇番呀!!!我post過出o黎!!
你煮野已經煮上癮勒﹗
回覆刪除[SkyBlue回覆09/22/2009 09:19:00]我都覺好似有少少呢,煮野食原來幾好玩,不過要洗野好麻煩,哈哈!!
個面包布丁最pro 呢... 加油~~!!
回覆刪除[SkyBlue回覆09/22/2009 09:21:00]多謝你呀,不過麵包布丁真係幾肥....HAHA!!
流晒口水呀~~~ 我都係鍾意麵包布丁呢~^0^
回覆刪除[SkyBlue回覆09/22/2009 09:22:00]多謝你呀,不過原來麵包布丁真係好肥o架!!
石榴冰 my favourite ~ ^^
回覆刪除[SkyBlue回覆09/22/2009 09:23:00]好彩俾我試到咋!!不過要排咁耐先食到,又唔係平,都未必會再去lu!!
hihi....你真係好老婆呀, 你d 餸整得好靚喔~ 努力呀!!
回覆刪除[SkyBlue回覆09/22/2009 09:24:00]多謝鼓勵呀,我會努力呀!!!YEAH!
比起其他甜品都唔係丫XD 我都好耐冇整喇^^ 今年聖誕又整下先
回覆刪除我睇唔到D相~ LOAD 極都LOAD唔到
回覆刪除[SkyBlue回覆09/26/2009 21:53:00]係囉,呢排yahoo成日都係咁!!可惡呀!!
我都睇唔到啲相啊... 五公斤米食完? 好勁. 我地買一公斤都食好耐 (因為好多時煮第二啲嘢)
回覆刪除[SkyBlue回覆10/02/2009 10:27:00]煮西餐??我好少煮西餐呀,試過問老公子搵日食牛扒飲西湯好唔好,佢話唔好呀...所以d米咪食得咁快囉...