House Warming @ my home!!

星期六大姐會上o黎我新居搞house warming!!作為主人家,當然要好好招呼朋友啦,於是一朝就忙於收衫燙衫抹地抹鏡整曲奇...焗好曲奇坐多半個鐘已經差唔多下午4點,仲要飯都無食,只係食左少少曲奇頂肚餓呢!!

大姐們陸續到o黎,我o地玩'6 Takes'card games,食曲奇,睇我大日子video,派希臘手信...

6 Takes真係好好玩,成班大姐一齊玩好果癮,真係好多謝阿King搞我玩呢個game!!

我同Jenny o既希臘手信!!不過我記得派手信唔記得派我結婚d thank you card俾大家呢!!

開餐前Athena代表大姐會送o左份入伙禮物俾我,多謝大家心意呀!!

開餐!!屋企張飯台都係第一次開到最大咋,好彩迫迫o地,都免強坐得到所有人!!!

是晚最緊要係,大姐會已經訂落o左2010年大計,落實之前講o左好耐一直未能實行o既活動: 去旅行!!!

雖然係一年後o既事,但我真係好期待,希望大姐會可以齊人一齊衝出香港,癲番餐,襯大家仲未太'成熟',真係要好好一齊留番d'倩影'(我成日幻想十個人一齊著住cindy某年o係bali買俾大家o既salong一齊去沙灘影相!!!)!!

除o左旅行,出年'果日'仲要準時出席大姐會7年之約,之後10月同11月就係其中兩位大姐大囍之日,哈哈,估唔到出年年尾o既活動一下子咁豐富,哈哈,雖然好似好忙,但我又好期待!!

有關大姐會明年year plan,大家可以去茄雲篇大姐2010YEAR PLAN度睇,夠晒一清二楚呢!!