另外,今次同上次一樣,影完相腰酸背痛,沖完涼都硬係覺得自己仲周身污漕laktak,不過對比上次,其實今次輕鬆好多,因為拍攝時間唔太耐,而且我差唔多全程都著住波鞋健步如飛,唔使好似上次咁著到腳趾痺足一個月!!不過上次影完支力得o黎好開心興奮,今次影完就無咩特別感覺,而家諗番仲好似有d印像模糊添!
至於相片方面,我同honey都係鍾意上一輯多d(其實今次拍攝係滿意o既,只係對比上o黎咁解!),但無可否認,大陸o既景色真係香港無可能搵得到,而且就算人民幣升值,o係大陸拍一輯婚照仲係抵香港好多好多,奉送所有相底之餘拍攝其間仲肯幫你影花絮,俾o左係香港真係無可能,分分鐘你拎部相機出o黎就喝住你!!
我o黎緊星期六先會拎相俾未來99睇,佢o係電話聽到我話上輯靚d後大叫失望喎,因為佢好似好唔鍾意上一輯,話d人太細,又話我去影d景唔靚,今次差過上次咪不得了!!老人家同我o地後生o既睇o野真係分別大,哈哈!!雖然今輯都唔算太多大頭,但個人都算大過上次o既,所以我估佢應該會'喜出望外',猛讚呢輯靚過上次,我諗話埋俾佢知我仲有得影室內,佢一定會開心d,因為室內我都打算狂影大頭相呢!
至於麥田映像,其實都真係一間唔錯o既公司,雖然好唔好彩地我揀o個件晚裝唔見o左,但工作人員都好願意補償,所以,我將會再上去麥田影室內相(暫定二月,據講package本來唔包的!但未出發前我同麥田有小風波,所以佢o地俾我影番,而我件便服亦留番室內先拍!),仲話俾我揀衫影(我package本來只包三件衫),可見麥田係一間負責任o既公司,我亦好滿意呢個安排,希望o黎緊影室內唔好再發生任何問題啦!!
至於今次d相,我知大家都好心急呀,大家睇住我相機影o既同埋麥田執o左俾我做sample o個兩張效果相先啦!
我好鍾意呢張,不過呢張係花絮相咋...麥田影o既無呢個角度!
以下兩張得啖笑,希望唔好嚇親大家!!
懶陶醉o既pose...係咪有點嘔心??仲奉送肥美肉臂一隻!!
近鏡...景色幾靚都無用...我諗呢種土土o既'氣質'就係香港婚照同大陸婚照o既分別!!
呢張相唔錯呀,影得我背面好滑咁,哈哈!!!
[肥美]人(唔係[肥][美人])又出場喇...唉...
Honey呢件戰衣係咪好型呢,襯黑色禮服即時trendy o左,唔使成日都係白色裇衫咁齋!!
不過影出o黎好似好紅咁,實物睇暗少少,再靚d o架!!!
著婚紗'動'高腳...哈哈!!
呢張係化妝師彤彤創作o架,攝影師阿倫無同我影過呢類相!!
大家終於等到喇,我私伙相機d相post晒喇,之後post o既都係麥田影o既相喇!!!以下兩張係麥田隻碟入面執o左俾我做sample o既效果相,佢o地揀呢兩張都係咁多相入面比較靚o架,又幾識揀喎!!
執o左o既湖境真係有點九寨溝feel!!
其實梅花景唔執都好靚,但執完又有另一番味道!!
執同唔執爭好遠..haha...梅花好靚
回覆刪除[SkyBlue回覆01/13/2009 22:52:00]嘩,你回得好快喎,我都係o岩o岩post咋!!!
係呀,執完係sharp d o既,但亦可以話唔夠自然,兩睇!!!
wow....好靚呀.....麥田d 相真係幾掂家....你就好啦~~影o既時候有陽光，我影兩日都係陰天呀~~~~d 相無咁靚
回覆刪除[SkyBlue回覆01/14/2009 13:20:00]多謝你呀!!你影o個日雖然陰天,但放心啦,我相信麥田d執相技巧可以執番靚o架,我有個friend話佢之前係大陸影過,明明唔好天仲落雨,結果相簿d相完全唔覺,仲好似好好陽光咁o架!!!放心!!
wow, the pictures are really nice!!! All focus is on you, haha, you're really pretty!
回覆刪除I like your make up a lot!
[SkyBlue回覆01/14/2009 13:43:00]Thanks a lot {mrs cocoa bean}!!!我都覺個妝唔錯呀,完全無我之前擔心o既'大陸妝'feel!!!
你終於完成你o既big project,恭喜你呀!!
你好搞笑, 睇你d花絮令我諗返起九寨溝嘅片段, 土土的pose, 係國內婚照先會有
回覆刪除d相好靚, 你將頭髮扎起同放落黎都一樣咁好睇, 我好鍾意.
希望你對婚介整得返啦, 我諗你Honey當時已經好內疚, 你唔好再怪佢啦
[SkyBlue回覆01/14/2009 13:46:00]其實o個兩張相第一眼睇,有種'想點呀~~~~' o既感覺,但望望下又覺得好好笑喎,完全捕捉到個pose o既'娘味',好值得放上blog等大家'分享'下!!!!
我星期六會拎d戒子去整o架喇...其實我都知我honey都係唔知道鑽石唔可以一齊放呢樣o野先會犯呢個錯,我已經盡量克制自己o架喇...如果唔係應該要'掘'住佢好耐...
執左個2張個景真係好靚 , 真係似九寨溝呀 , 聽你禁講 , 都覺得麥田好有責任 , 雖然冇左你想要嘅衫唔開心, 不過都算佢識做啦.....
回覆刪除[SkyBlue回覆01/14/2009 13:48:00]係呀,其實有得影埋室內景,仲可以揀多件衫,都算係因禍得福o既!!!不過又要揀過d衫,好頭痛呀,因為真係唔係太多o岩心水!!
ｄ衫一ｄ 都唔差喎，同埋你個ｍａｋｅ ｕｐ真係好得
回覆刪除[SkyBlue回覆01/14/2009 13:49:00]多謝你呀,我都覺d make up 好好呀,完全無我之前擔心o既'大陸妝'feel!!!
好靚丫~ 果張果然有d似九寨溝! 哈哈~
回覆刪除[SkyBlue回覆01/14/2009 13:50:00]係呀係呀,完全係化'普通'為'神奇'!!!執o左靚好多!!不過梅花景我就覺得唔執都好好,執完雖然特別d,但無咁自然,都唔知其他人睇會唔會以為係假景!!
執完真係好大分別呀﹗巧靚靚﹗
回覆刪除[SkyBlue回覆01/14/2009 21:37:00]嘻,多謝你呀!!!
回覆刪除好靚呀~~~引死人啦
[SkyBlue回覆01/15/2009 09:39:00]哎也,點引人法?你係咪好想laam住我...哈哈...
咁對戒指點呀?? 一定係好心痛!! 好似執同唔執真係有好大分別咁... 最尾0個張最靚~!!
回覆刪除[SkyBlue回覆01/15/2009 09:40:00]係呀,好心痛o架真係,戴都未正式戴就傷成咁!!!嗚...
我會星期六拎去ctf2整囉,希望無問題啦...
多謝你呀!!你都要努力呀,你好快就成為靚太!!!
好靚好靚呀 妳身型好FIT啊
回覆刪除[SkyBlue回覆01/15/2009 09:42:00]多謝你呀!!!其實唔係'真材實料'o架,我都係靠nu bra....!!你塊面好番晒未呀???
你個粧同hairdo好清好靚~ I Love it~
回覆刪除[SkyBlue回覆01/15/2009 09:44:00]多謝你呀,我都好鍾意呀,完全唔覺有'大陸feel',成輯相我最滿意都係化妝set頭呀!!
不好意思!! 打擾了~ 現在這個blog有免費產品贈送~ 希望你有空可以來看一下~ 謝謝~ http://hk.myblog.yahoo.com/beautybabystore/
回覆刪除如果打擾你了~請把這個留言刪除~ 抱歉了~^^
執左真係好sharp好靚呀~
回覆刪除[SkyBlue回覆01/16/2009 23:46:00]係呀,sharp好多呢,不過呢,你會唔會覺得d梅花係假o架???硬係覺得梅花同紅葉景好似唔執自然d咁...
執左相真係仲靚, 同埋你個化妝好自然好清, 好靚.
回覆刪除[SkyBlue回覆01/26/2009 00:25:00]多謝你呀,我都覺得個妝化得唔錯呀,化妝師真係應記一功!!
你真係好靚喎~ ^^
回覆刪除[SkyBlue回覆03/06/2009 22:05:00]哎也...剛發現我無回到你留言...唔好意思呢!!!
多謝你呀,你都好靚女呀!!!!
執左真係靚好多呀, 不過梅花果張我覺得偏白色DD會自然D...你覺得呢?? 我影完葵園喇, 不過佢地無執sample相俾我睇, 你咁好既 ??
回覆刪除[SkyBlue回覆03/06/2009 22:02:00]係呀,其實我覺得除湖境外,我覺得紅葉同梅花都係唔執自然d o架!!!
係呀,執左兩張,我都見有另一D去麥田影o既人都係咁,可能因為我係第二日先去拎隻相CD,所以佢有成日時間執兩張等我可以參考下D效果啦!!