大姐會新年派對

今日係大姐會一年一度o既Xmas & New Year Party,今年係o係Athena新居舉行,大姐們下午四點陸續抵達,重要節目之一當然係參觀佢新居啦,大家都認為佢屋企好有型格,好似上o左更上一層樓o個d單位咁,因為佢屋企用深色做主調o架,的確幾有特色,而且我好鍾意佢房同書房其中一面牆油o左唔同色,隻色好sharp好靚,學karen話齋,好有毛毛娜風格呢!!

因為珍妮要早走,所以未等Emily同Bess到就先用畫鬼腳方式交換禮物,仲分派埋大姐會靚靚月曆一個,之後就一齊睇毛毛娜去台灣同沙巴o既相!!

2009大姐會月曆,月曆上highlight o左大家o既生日同特別日子o架!!

等到Emily同Bess都到喇大家就邊開台同玩Uno邊等外賣食物到,開餐喇,因為平時大姐會多數係街外食,好少坐得咁近,今日成班人圍埋係飯台食飯時真係覺得好有家庭feel呀,以前大家住hall時晚晚都係咁o架,而家就真係好難有咁o既機會喇!!

食完飯繼續雀局,我,Emily,Rebec兩姐妹就坐定定睇勁歌,我都係第一次睇42寸電視咋,原來都幾大o架真係,不過唔係太習慣,好似有少少刺眼咁,不過收睇高清台真係好清好正!!

呢排咪話覺得自己好脫節o既,呢晚邊睇勁歌邊同Emily同Rebec妹研究今年o既歌,我同emily呢d已投身社會o既真係特別out,反觀o靚妹就真係追得上潮流多d,雖然佢都未至於個個新人都識,但總好過我同Emily呢兩位'姐姐'...哈哈...!!!

是晚睇電視o既十點走,唔知雀局o既又玩到幾點呢?邊個係大WIN家呀?

交換禮物之餘仲收到沙巴同日本北海道o既手信!

我抽中Emily份禮物,係一個星空投射燈同埋解夢書,好特別呀,不過解夢書係英文,要花d心機去睇,哈哈,懶!

手信,解夢書同埋砌好o左o既星空投射燈!

星空投射燈要自己砌o架,都幾有趣,我砌o左個幾鐘,夜晚黑睇好靚呀,不過一定要將投射燈放係貼近天花o既高處先最靚,但原來我屋企無d咁o既位,d衣櫃都太貼天花了!!另外,唔知係咪燈泡問題,d燈泡開o個下好光,但唔夠一分鐘就慢慢變暗,暗到得番紅色一點,睇o黎要叫我爸睇睇先得!!

剛玩時都幾光,好靚呀!!

玩得一陣就黑晒,我試過換電,但無用...