脫節

合皮扭耳!

尋日睇叱咤,學胡杏兒話齋,不得不認老喇!!新人獎除o左William同無線o個幾位小生花旦外,無一個係識o架!女新人金獎係一個十七歲o靚妹,唱歌幾有鬼婆feel,樣都唔差,後生可畏,有機會都想聽下佢d歌,不過我連佢叫咩名都唔記得喇!

男新人方面,銀獎係一個叫狄易達o既男仔,佢個名好搞笑,我honey一聽就問係咪d變型金剛名...!!至於組合仲搞笑,Rubber band入面有個同林海峰相似度達99% o既人,我開頭真係以為係林海峰戴o左假髮呀,就連d DJ都話連d牙都似,我就覺得連把聲都似呢!!

總之,我要認自己落後喇,唔好講新人好似棒棒坣黑girl咁無個認得,我連周杰倫容祖兒謝安琪SHE楊丞琳蔡依林今年出o既新碟都無聽過呀,對上一次唱K係幾時都唔記得(我覺得我極有可能兩年內只唱過一至兩次K!!)...睇怕同現今新一代有明顯代溝喇,嗚...