好Amazing o既一個數字!

實在太誇張!!!(其實我唔係真係嬲,只係有感而發!)

雖然我無資格評論,但我覺得呢個誇張情度實在去到'敗家'o既地步,我真係忍唔住要講...雖然好似得唔夠十個人睇到我呢篇私人blog!!

事緣我o係另一邊提及我影第二輯婚照,有一位'冰月兒'小姐留言話佢都考慮緊影3V定麥田好,八卦之下睇o下對方係咩人啦,一睇,原來係我honey o既大學宿舍兄弟個老婆!!

佢上年十一月結o左婚喇喎,仲影!!

其實結o左婚影都唔係問題,問題係佢未結婚時,我Honey問過佢影o左幾多次婚照,佢當時話俾我知係4-5萬!!!!

呢個數字,對我o黎講已經好誇張!!

但對比起我今日聽到呢個數字,4-5萬原來唔算得係咩!!

今日,honey問佢兄弟係咪要影麥田,因為麥田之前做promotion話介紹人可以有$300coupon,雖然我知過o左期限,但一試無防,結果得到o既答案並唔係'決定影3V',而係...

'影埋mola lisa先!'

Honey忍唔住問:'o下?你究竟影o左幾多輯?'

'6, +3V if'

好一個輕描淡寫o既'6'!!!!honey再問:'你究竟影o左幾錢?'

'100K, i think'

10萬!!!10萬,我寧願買粒顏色同淨度未必最靚,但有成卡半咁大o既鑽石、買架車、擺多幾圍酒、甚至劈炮唔撈去歐洲度一個月honeymoon!!我知,我無資格評論他人o既選擇,人o地老公俾得起錢俾老婆影相我管唔到,但影結婚相咋喎,pose離唔開ABC,內景離唔開DEF,俾你影幾輯大陸相又點,平雖然平,但風景再靚化妝禮服都離唔開'娘'字,影咁多輯擺滿成屋油畫但主角已經結o左婚擺晒酒俾邊個睇?(對我o黎講,油畫o既作用真係for擺酒!)

聽honey講,佢兄弟個老婆做過model,好鍾意被人影相,唔怪之得,但...鍾意影相去影樓影都得啦,點解一定要影婚照?同一樣數量o既相,'婚照'至少貴幾倍吧?真係咁值?我都鍾意被人影相,但10萬喎,真係值咩?

o係籌辨婚事上死慳死抵樣樣計o既我,實在無法理解!!!

P.S. 我o係wedding blog o個邊add 得太多人,呢篇blog如果o係o個邊寫一定引起唔少迴響...得罪人,仲要係我honey兄弟o既老婆就無謂...