上深圳買花灑水龍頭

又話說...影完相第二日,我繼續留o係深圳,因為我同honey仲有一個重要任務,就係去買屋企o既浴室用品,即係水龍喉花曬廁紙架等等,所以雖然好支力,但都要繼續行行行!!

懶豬honey十一點幾先起身,我就八點幾起身,唯有打定d日記記番影相o既o野!到成一點,終於出發醫肚,去o左食四川菜,honey話天氣凍最o岩呢!!我o地又叫到成台都係,影完相係放肆d...不過真係好美味,咁多o野都係一百多少少咋!!食o野o既時候見到其中一台人係度高談闊論,睇神色好似醉o左,結果佢o地埋單走時其中一個企唔穩跌低撞到後面台o既女士,嘩...神早流流就醉,我都係第一次見!!

 

水煮魚,食完真係好暖胃!!        蟹皇豆腐羹, 28RMB咋,我同honey每人食o左五碗都有,真係好抵,仲好好味!!

影完相我又放肆喇!!!右上角o個杯係南瓜露,6RMB,幾甜但唔漏,good!!

之後我o地又去寶安北路,其實我上網睇都知田貝四路好似多d浴室o野賣,但無辨法,我唔識去,出發前上網搵地圖見到田貝好似仲遠過寶安北路,所以放棄了,照舊去o左上次買燈o既家之福睇!!

入o左幾間唔o岩心水,後來入番上次行過o個間,問問問,呢度敲下o個度敲下,佢o地介紹o個隻'大陸名牌'好似真係質料好d,水喉o既開關位又臏係順滑d,結果我同honey見呢度有晒我o地要買o既,咁就唔再行,乖乖俾錢!!

我買o既牌子叫Mkbolo (馬可波羅是也!),包括雨淋花灑x1、浴缸水龍頭x1、池盤水龍頭x1、角位玻璃層架x2、門後毛巾掛勾x2、毛巾環x1、廁紙架x1同雙桿(唔知點叫,要o黎掛浴巾)x1 ,盒邊自稱係大陸名牌,通過ISO唔知幾多,我諗信得過o卦,總值千四RMB,我諗比起好多人我應該買得貴,但比香港始終平成截(香港一個雨淋花灑平平o地都七至八百,仲要唔知咩牌子!),但有牌子始終安心d!!!

買完浴室o野好多o野拎,結果行唔到荀崗,唯有快快番宿舍拎埋行李就上麥田拎影相o既raw file,就係咁,我同honey就拖住支力lailai o既身驅番番香港屋企,太好喇,係屋企沖o既涼真係特別舒服,終於唔再覺得自己周身污漕laktak喇~!

是晚繼續食,去稻香打邊爐,醉雞湯底...明明d相影得今次好肥,但仲係唔識節制...

回程坐火車見人o地份報紙話今晚個月亮係十二年o黎最大,食完飯行番屋企特登影底!!(哈哈,小卡,你睇我個月亮同你blog個月亮係咪差好遠??我呢部傻瓜機分明傻過你o個部好多!!!)

=======================================================

14/1 B&Q打o黎通知地磚終於到o左...唉,上次落釘到有貨大約兩星期,一心以為今次都係,點知今次真係差唔多等足一個月...!!!至於之前訂造o既神秘東東今日亦打o黎話造好喇,可以拎,但...一切都太遲!!!

我爸話,師傅最快初七後先開工!!!

噢,一切如意算盤都打唔響喇,仲成日以為農曆年前搞得掂,我可以襯年尾減價買定d一早睇中o既傢俬!!!

而家距離年尾得番一星期,如果問到真係可以買o左唔送貨住,我估我都會買定幾樣先!!!

================================================

15/1

今晚約o左同我一齊去石門影相o既Wendy出o黎俾相佢同埋一齊睇相,兩個女仔傾傾傾,竟然可以由七點傾到近十一點,勁呀,真係好開心識到Wendy,同你好o岩咀形呢!!