牛年萬事如意呀!!!

嘩,好忙呀...終於有時間坐係電腦前面打番呢幾日o既Blog先得!!!

年廿九,我同Honey作辦年貨最後沖廁,先出o左旺角三sprit outlet買羽絨,同我honey一人買o左一件,兩年都唔算太厚身,可以著去Honeymoon上雪山用,good!!!兩件羽絨雖然唔同款,但都係黑色,嘻...都算情侶裝呀,哈哈,我o地拍拖咁耐都未試過著情侶衫o架!!!(揀衫其間我見到有個女士望住我呀,佢望住我o既感覺係有少少興奮咁o架...我即刻懷疑係blog友...不過我又唔認得對方喎,佢又無進一步同我有咩接觸,所以我到而家都唔知係咪真係blog友呢!!)

年三十,由於我出年嫁俾honey後理所當然要去奶奶屋企團年,所以我今年特登問準未來奶奶'要人',叫佢俾我帶honey同我d親友團年!!所以,未來奶奶餐團年飯唯有改食下午,食完已經好飽喇,真擔心夜晚仲食唔食得落!!

夜晚,去德藝會,其實honey都係第二次見我d親友咋,而今次就去o左我honey恨去好耐o既德藝會,因為我舅父同德藝會個大廚相熟,次次去食d食送都會特別大點同多花款o架,今手亦都唔例外,honey食到捧住個肚走呢!!!

(相片後補)

大年初一,我亦係一樣,問未來奶奶'要人',哈哈,所以一早就帶同honey出發去我舅父屋企團拜!!!舅父新屋剛裝修好,同以前好唔同,不過唯一無變就係一樣咁熱鬧!!!至於今年拜年,因為我第一次帶埋honey,所以逗利是時聽得最多一句係'快d請我o地飲!!' (我d親友當刻仲未知我今年嫁!)

二十一人大餐!!!勁唔勁呢!!!???
因為婆婆老喇,所以要靠各親友分別買外面o既食物當新年大餐,不過都仲有我婆親自煲o既靚粥仲有我八十幾歲o既太姨婆(好似住大陸,我只見過幾次!)整o既年榚,唔係刷鞋,呢兩樣真係成台咁多食物入面最好味o既!!

食完飯,一向送禮有心思o既舅父(我共有三位舅父!)今年買o左幾十個小揮春俾大家揀,個個小揮春寫o既o野都好有意頭又有心思o架,大家都揀得好開心,由於太多人堆埋去揀,所以我企係外面等,就係呢個時候我媽就拎o左個 '拉埋天窗, 仔女成雙'俾我,好開心呀,呢句真係幾o岩我喎!!之後,我媽又拎一個'白頭到老'俾我,嘩,好o岩心意呀~~~~我舅母見到即同我講呢個揮春係幾十個入面最貴o個個o黎o架!!!

最後我終於有機會堆入去,honey係呢個時候就拎o左個'愛妳又鍚妳, 乜都俾晒妳'俾我,嘻,心都甜晒,不過俾我舅母發現o左,仲笑我,哈哈!!!不過honey掛住揀俾我,佢原來無揀到俾自己喎!!!

呢三個揮春仔都係我最重要o既人拎俾我,收到一刻我真係覺得自己好幸福!!!
我而家將呢三個咁合意o既揮春你掛o左係手機,嘻!!!

其餘我屋企人揀o既揮春,有d都幾正o架,最鍾意係'老公發大財,老婆嘆世界',大家話係咪好o岩聽!!!

之後下午,大人就開台,幾位超齡'細路'就睇無線重播o既勁歌同埋玩三角型o個個珠仔拼圖game,到差唔多六點就走!!!

番到屋企,媽咪話我知佢講o左俾婆婆同其他親友知我結婚!!!o下,幾時講o架??原來係我同honey睇緊電視時喎,點解我完全feel唔到親友們有講我'壞話' o既??媽咪仲話婆婆猛話'簡單就得喇',同埋已經幫我問o左舅父借佢架靚仔七人車做花車,仲已經諗埋婆婆生日會提前一個星期慶祝(因為我大日子前一日係婆婆正日生日!)添,真係好有效率呀!!

估唔到牛年第一日我就好事連連,不但婚事正式係親友們前曝光,婆婆又唔介意我大日子撞佢生日,仲借埋花車,又收到由至親俾我o既好意頭小揮春,希望我成個牛年都可以好似今日咁好事連連啦!!!!