買?!唔買?!買?!唔買?!

最近好矛盾,大家都知搞Wedding同新屋已經要使好多好多錢,照道理我同honey應該慳家點,好好理財,但呢排周圍都大減價,有d名店更因為海潚而少有地減好多,搞到我同honey都好想為自己添置新裝,雖然襯大減價買o野都算係精打細算o既一種,但其實大減價後我o地想買o既o野仲係'幾貴'o架,所以我呢排內心都非常掙扎!!

買?唔買?

結果,我選擇o左'唔買',就算我媽話我對boot好殘係咁叫我去買我都係唔買,但honey就相反,佢選擇o左去買!今日佢就捉o左我出尖沙咀睇佢尋日睇中o既o野,仲買埋添!!雖然錢係佢o既,但我郤好肉赤呀,佢短短兩星期就使o左幾千大元係衣物上喇!!肉赤之餘,其實我仲有d呷醋o架,因為我自己都好想好想買o野俾自己,可惜每當睇到個價錢牌時就會唔捨得咁貴,最後都係放低心頭好!

就係因為呢種咁複雜o既心情,我成晚都好靜,嚇親honey,要佢不斷安撫我...我係咪好細路好無謂呢...哈哈...

ZARA大減價,好多人,睇中d衫真係要即拎係手,唔係轉頭就俾人買o左,好誇張!!搵到呢條細碼紫色裙時以為自己咁好彩執到寶,點知望真d原來裙腳穿o左一大個'lone',唔怪得無人要,連價錢牌都無埋!!

行過去新世界時見到一排雀係維港上空飛過!

歐化又大減價,報紙上面o個張全真皮梳化只係6千幾,真係好吸引,仲話低至三五折,結果行晒全店,得o個張梳化係咁平,其餘都幾萬蚊,連一張木枱都要過萬,鞋櫃都要八千,唉...不過張木枱同鞋櫃真係好靚好靚,如果真係要花錢,我真係情願花係張台好過買衫,不過似乎買呢張台仲敗家,仲用得多錢...都係無謂掙扎喇,就咁望下算罷啦!!!

歐化o既燈飾,唔記得幾錢,只係好肯定係貴...

舖頭o既燈飾,吊落o黎o既係一隻隻小天使,好靚!

新世界門外的燈飾,藍得剌眼,但都幾特別!!