好,就6點!!
隨住時間過去,我慢慢意會到6點註冊原來有好多問題...
1. 我6點前應該著晚裝/褂迎賓?到差唔多註冊先換番婚紗?夠時間嗎?我剛confirm decoration,siufei話6點註冊o既話最遲4點要交場俾佢set decoration,如果酒店交唔切場,咁即係我就算4,5點企係度迎賓都無位影相啦...
2. 註冊完後,我應該繼續著婚紗同觀禮o既賓客合照?定係應該換番迎賓晚裝同賓客合照,直到開席?夠時間換嗎?要知道8點幾又開席o架喇喎...除非拖遲開席時間...
3. 開席時,我應該著婚紗march in定著迎賓晚裝march in?由於我打算註冊由我爸帶我march in,所以我開席時唔著婚紗,咁我就呢世都再無機會著住婚紗同honey march in...!!!如果註冊到開席一路著住唔換當然無問題,但我租衫package包三件晚裝,我亦想穿三件,如果註冊同開席都穿婚紗,中間換迎賓晚裝似乎真係無咩可能,咁係咪即係話如果我要著迎賓晚裝同賓客合照就要放棄著婚紗同honey march in?
4. 如果我由註冊到開席都只著婚紗,咁即係我迎賓件衫只會由下午四五點著到最多六點,呢段時間又唔會好多賓客到,咁件衫咪影得好少相?我係咪應該著呢件晚裝下午去影外影而唔著婚紗呢?
呀...好亂...寫完一大輪,其實上面都係問緊一個問題,就係我究竟咩時間應該換咩衫好???好煩惱呀,有無人都係6點鐘註冊o架?可唔可以俾d意見我???
P.S.有人話其實係個律師知道6點呢個時間係豬頭骨,所以'益'我,等佢可以接得晒成日job...開頭我都唔信我呢個咁出名o既律師會咁對我,而且我仲要係我BD o個日最早接觸佢o既客人,我真係唔想相信佢會咁做...但係,到o左要諗run down呢一刻,我不由得唔開始懷疑...唉...
hello, 第一次黎啊, 多多指教啊~~
回覆刪除我可以俾少少意見嗎??
如果係我......我會一去到酒樓就著婚紗, 直至march-in, 因為交場俾你個時都4,5點, 換得衫, 化得妝都5點左右啦, 影吓相就6點註冊架啦, 6點幾guest又到啦, 影吓相就8點開席架啦, 同老公一齊march-in
跟住玩games/敬酒/送客, 各一套
[SkyBlue回覆02/01/2009 11:35:00]多謝你意見呀,我問o左我MUA,佢話佢轉得切妝o架喎,所以叫我唔使太擔心,聽完鬆一口氣!!!仲有,原來開席無我想像中咁早(8點),好多時差唔多8點半至9點先開席,所以證婚完都有時間換番迎賓晚裝喎~~~~希望真係無問題啦!!!!
首先，6點黎睇証婚的好大可能只有親友/好朋友，可以話唔係好多guest
回覆刪除如果你屋企人敬茶要你著褂，咁4-6pm就著褂, 係個段時間敬晒佢。想影相的都可以影，不過以敬茶為主
註冊就婚紗
7-開席(多數都9pm) 晚裝
如果你prefer進場係婚紗的，再換番婚紗
咁你下午影相就可以睇下你想著乜野衫影
最重要的係你要預最少15min轉look，同埋係你定run down前問下你個化妝師，睇下佢有乜意見，因為佢去過咁多wedding，一定可以俾d意見你gei
[SkyBlue回覆02/01/2009 11:38:00]我問o左我MUA,佢話佢轉得切妝o架喎,所以叫我唔使太擔心,聽完鬆一口氣!!!至於4-6點我會唔會著褂就真係要睇長老有無要求lu...
多謝你俾意見我呀,有經驗真係有經驗呀,我MUA俾我o既意見同你差唔多呢!!!
我覺得唔好咁諗啦，其實6點鐘靜靜地真係親戚+熟朋友睇都真係會莊嚴D既，同埋又真係可以有真正既陽光照耀住嘛~
回覆刪除雖然4點先開始Deco, 但我諗如果你4點左右就會到酒店,可以著第一套席前eg四圍影下相先 , 其實酒店應該都會有好多景點俾你影下相架嘛 , 之後5:15-30pm就換wg準備同爸爸march-in , 證婚完睇下有無時間再換 , 無就淨係轉頭飾物等同賓客影相囉
(但其實我估計6:45pm都會完左證婚 , 其實要換番eg都唔難 , 之後8:30pm先再換wg同Honey march-in)
[SkyBlue回覆02/01/2009 11:50:00]小卡,多謝你意見呀,我問o左我MUA,佢話佢轉得切妝o架喎,所以叫我唔使太擔心,聽完鬆一口氣!!!仲有,原來開席無我想像中咁早(8點),好多時差唔多8點半至9點先開席,所以證婚完都有時間換番迎賓晚裝喎~~~~希望真係無問題啦!!!!
其實註完冊... 可能都係六點半 至 45 gei 事... 換衫唔換粧... 可以著eg呀~~ 著到差不多march in 先換返wg... 都ok 呀~~
回覆刪除btw~~ 豬真係見過朋友著eg 影外景... 其實效果都不錯呢~~
[SkyBlue回覆02/01/2009 11:52:00]未來蘇太 ,多謝你意見呀!!!我問o左我MUA,佢話佢轉得切妝o架喎,所以叫我唔使太擔心,聽完鬆一口氣!!!仲有,原來開席無我想像中咁早(8點),好多時差唔多8點半至9點先開席,所以證婚完都有時間換番迎賓晚裝喎~~~~希望真係無問題啦!!!!
上年我朋友結婚佢係５：３０註冊架，註冊＋同親朋好友影相都係３０－４５分鐘，之後換返晚裝都好快好方便，冇乜影響，你唔使擔心，而且呢段時間雖然人少少，不過幾好架，起碼個個都好專心睇你地註冊麻，仲好過我８：３０呢個時間，８：３０註冊，起碼成９點幾先開席，對於d親朋好友黎講可能好晨，我怕到時d人早走咋．．．．不過都唔諗得禁多架啦，你都唔使擔心啦，６：００唔係豬頭骨黎架， 傻瓜．．．．我都係搵林律師架，同你一樣 ，haha．．．．．．
回覆刪除[SkyBlue回覆02/01/2009 18:50:00]咦,原來你都係林律師...或者我真係諗太多啦,好開心有咁多人話我知6點o既好處!!!而家我個MUA都話佢轉得切妝,叫我唔使太擔心,所以我而家OK喇,唯有o個日快手快腳少少換靚衫,做個百變新娘子...哈哈...
Hello, 我都係岩岩路過,第一次黎你個blog, 原來咁岩我又係揾林律師做証婚, 我同你一樣, 都差唔多一年前已經揾佢, 佢都係提議我地六點註冊
回覆刪除我就諗住下晝返完男家之後換晚裝出外影相
大約四點幾去到酒店, 換婚紗同轉妝, 順便等自己個心情可以輕鬆d, 因為預多左咁多時間, 如果註冊前有時間剩,可以叫攝影師幫我地o係酒店度影下相!
到註完冊之後可以著婚紗同d親朋戚友影下相, 預計七點度可以影完, 咁就換番晚裝迎賓, 因為我big day o個日係星期一, d朋友話d人通常都會遲黎, 咁我八點幾換番婚紗, 就可以march-in
你擺酒o個度我都有睇過場, 好靚呀, 不過我本人唔係咁鍾意人地打麻雀, 而佢地又唔可以另外比間房d賓客打麻雀, 所以最後都無揀到
我諗我同你要擺既圍數都應該唔算太多, 我估時間方便應該都比較容易控制卦
祝你到時一切順順利利!
[SkyBlue回覆02/14/2009 10:31:00]多謝你意見呀,我化妝師都有叫我放心,話實換得切衫,所以係就係要麻煩少少換o黎換去,但都一定要咁做,無辨法!!!!
係呀,我都唔鍾意同一間房有麻雀台o架,所以我有諗過索性唔開麻雀台,不過我又怕真係有人太早o黎坐會悶...
係呢,你婚期幾時呀?多謝你留言呀,得閒多d上o黎交流一下!!!
Hello 我個婚期係20April2009......
回覆刪除不過我好鬼懶, 所以無寫blog, hehe..... , 所以我一定會支持你繼續寫blog, hehe..
仲有呀, 你影相o個套藍色晚裝好靚呀!!!
[SkyBlue回覆02/15/2009 10:14:00]咦,你婚期剛好早我兩個月呢,哈哈,咁你好快就兩個月倒數喇喎,加油呀!!!
多謝你呀,我都好鍾意o個件藍色晚裝呢!!!
期實你記得小心控制時間！！好多人都話好易控制唔到時間！！我都煩緊幾時註冊， 但我ＢＦ 好想８：３０。ＳＯ 我比佢話事！
回覆刪除[SkyBlue回覆06/10/2009 12:15:00]我會小心O架喇,不過我圍數少,我諗控制時間方面應該OK O卦...希望順利啦!thanks!!