向林村許願樹許願!!

大年初二,Honey繼續跟住我同屋企人食食食!!!!

先係今日中午同我屋企仲有細佬女朋友一齊食榚,有Robert榚芋頭榚馬蹄榚紅豆榚黃金榚年榚同姜汁年榚!!!又係一個飽字,不過唔理喇,咁多食物唔食好浪費,食埋呢幾日先減肥...我都係要做個'好肉地'新娘o架喇...hahhahahaah....

大約兩點半,就同Honey屋企人出去林村許願樹!!!我都係第一次去許願樹咋,原來o個度都真係幾熱鬧o架,搞o左個嘉年華 ,有好多遊戲攤位,又有假o既許願樹俾人玩掟寶碟,好似幾好玩咁,又唔怕整親d樹呢!!!

位於入口o既許願樹,睇見佢咁多支架手穿住就知佢一定好傷,希望佢快d好番!!!

d佈置又幾靚喎!!

Honey同佢妹o既男友一齊玩射籃球,Honey入o左一球,有細獎!!

場中最受歡迎o既遊戲之一就係呢個同日本筋肉雷台一樣o既'勁力聚焦九宮格'!!!
Honey一見已經磨拳擦掌話要玩,你睇honey幾型仔!!!

結果Honey不負眾望,射中五格,仲要過兩關,嬴o左個大獎,好叻呀,honey玩時都有好多人為佢打氣!!!

Honey妹本來想揀心心cushion,但原來係'超級大獎'喎...結果佢揀o左下面吊住o個d公仔!!

玩完一輪開始雨粉粉,仲好似越落越大咁,於是大家就決定快快去買寶碟許願!!!由於假許願樹要大排長龍,所以只買寶碟!!

我咁大個人第一次寫寶碟咋,我好快寫好,寫o左三句,唔貪心!!!

 

嘻,希望願望成真啦!!

夜晚六點我同honey又番我屋企,因為要食開年飯(原來未來99一家無食開年飯習慣,所以我又搶走我honey!),五食送一湯,正,又食到肚滿腸肥!!!食o左咁多日,我都知我一定重o左喇,估唔到一上磅真係重o左...點算...

Yummy!!!我媽知我Honey鍾意食'腳',所以特別煮鴨掌俾佢食,睇我媽幾鍚你呀!!!

今日又係好開心,雖然係左撲右撲,但真係好開心!!!同honey講番許o既願,,當我聽到honey寫o既其中一個願望時覺得好開心,忍唔住係街飛撲laam o左佢一下,嘻,鍚晒你!!!!

P.S.今日去到林村時超級凍呀,隻手長期冰冷,不過件羽絨都幾OK,個身又真係唔凍(嘻,我第一次著羽絨,係大驚小怪一點!)!!