下星期五就影第二輯婚紗相喇!

仲有一星期就影第二輯婚照喇,今次o既心情同上一次好唔同,分別都幾大,honey亦有同樣感覺!上次由決定影到真係影只有兩星期,而且係幫人影相版,所以咩都無預備,由番公司決定,化妝set頭pose咩都唔使諗,甚至girdle都唔使買,買對鞋就去影好潚灑,而且仲係第一次,真係好興奮開心!!

今次就唔同喇,無錯,我係好早預備,又買girdle又買飾物,仲上網搵o左一d reference預備拎去俾攝影師參考,不過我同honey都唔係太興奮咋喎,唔知點解呢?或者要去到影先識興奮啦,哈哈!!

睇天氣預報,下星期五會好似今日咁得十一二度,上到深圳巿郊應該得番幾度咋,好凍呀,希望影o既時候唔好見到我起晒雞皮牙關緊晒啦!!