經過兩晚努力,我終於大至上完成o左我第一個DIY花球喇!!無錯,呢個只係第一個,我仲會整多一個,咁到時就可以一個花球襯褂,一個花球襯婚紗!
先睇下d花材先!
圖中橙杏色花大家都可能見過,因為我上石門影相時都有帶去影,我o係淘寶網上買番o黎,係我買o既第一批花材,不過我買o既時候明明覺得佢係淡紫色,本來想用o黎整花球2號,點知收貨時隻色一d都唔紫,變o左橙色...不過d絲花質素真係好掂,可以以假亂真,都唔錯o既!!
淘寶網上面o既圖!
至於圖中深紅色玫瑰就係上次番大陸時買o既,一見就好鍾意,因為隻色好grand,個花形亦好靚!!所以唔理有無用,買o左先,用唔著當屋企裝飾都好!
結果,誤打誤撞,又俾我搵到網上面呢個花球同我d花材幾夾!!結果我就決定整多個花球襯褂喇!!
src: www.brides.com
至於d葉,我見d花球好多都有葉托低,加上我呢個係絲花花球,好易露出穿崩位,所以特登買d葉o黎遮醜用!
加埋鉗,forest tape,鐵線,開工!!
先鉗開晒d花,拆走d葉同花托位o既葉,整到枝花光秃秃!!之後就縛埋d花,我睇youtube d教學話15度15度咁交叉d花會穩d喎!!
由於我怕d花縛得唔實,所以我每縛一枝就圈一次forest tape,結果圈o左成晚先札到個大概,最搞笑仲係我札完唔係圓形,好彩d絲花全部有絲線,我續枝au番正先似番個球形!!
由於青色葉o既分佈不均,我試加o左d綠色葉仔落個花球度~不過最後honey同我都係覺得唔加好d!!最後,由於au完d花後d花好疏落,我再加d深紅花仔塞住d 'lone'!
完成喇!!!呢個DIY花球,價值都唔平~~不過可以自己親自整自己個花球,又幾有成功感!!哈!!
橙杏色花: RMB28(3頭)X5
迷你深紅色花: RMB8
橙杏色花+迷你深紅色花淘寶運費: 35RMB
深紅色花: RMB25
--------------------
總值: RMB208 (好意頭喎!)
而家只差未縛絲帶包住d核突鐵線腳o者,大家覺得點呀?第一次DIY花球,算唔錯o卦...哈哈...我自己就幾滿意喇!!
6月20號,honey就會拎住佢去接我喇!!哈哈!!
P.S.過去兩日好難得唔使再左撲右撲,不過就兩日都上o左新屋抹抹抹,好支力呀!!
好靚啊～ 特別係呢個角度：
回覆刪除[SkyBlue回覆03/30/2009 23:20:00]多謝你呀,嘻,咁我結婚o個日要記住用呢邊向外先得,哈哈!!
花材好... 手勢好~~ 讚~~
回覆刪除[SkyBlue回覆03/30/2009 23:22:00]花材就真係唔錯喇,但手勢就...麻麻啦,札兩晚先札完,仲要好彩係鐵線我先可以au番圓個球型咋,如果係真花就...!!不過都多謝你鼓勵,等我札第二個時信心大d,呵呵!!!
好圓啊！全部都係大花，襯色都好好啊！努力啊！
回覆刪除[SkyBlue回覆03/30/2009 23:25:00]噢,唔怪得個花球望落總係怪怪o地...係咪我d花全部都大大咁,所以無咩層次感呢???anyway...好多謝你呀,我都覺得呢隻色好襯下,嘻!!!
犀利... 你好有心思呢. 你好好好得意, 三條九, 咁祝定你倆個長長久久先啦~~~
回覆刪除[SkyBlue回覆03/30/2009 23:25:00]多謝你呀,長長久久...我鍾意,哈哈!!
叻女呀~~~依隻色好似襯^^
回覆刪除[SkyBlue回覆03/30/2009 23:27:00]多謝你呀!!
好靚呀... 要紮圓一個花球真係唔易呢... 加油~~
回覆刪除[SkyBlue回覆03/30/2009 23:31:00]係呀,真係唔易,我都係因為d花有鐵線先可以au番圓咋...如果係真花就...
嘩, 我真係要為你鼓掌, 整得好靚
回覆刪除[SkyBlue回覆03/30/2009 23:32:00]多謝你呀,都係多得d花材靚咋!!!
好靚呀!..你好叻
回覆刪除[SkyBlue回覆03/30/2009 23:33:00]多謝你呀,我盡o左力o架,所以都幾滿意,嘻!!!
你好叻女呀, 個花球好靚﹗
回覆刪除[SkyBlue回覆03/30/2009 23:33:00]多謝你呀,我盡o左力o架,所以都幾滿意,嘻!!!
周太 ,真係好靚靚呀 , 做出黎有9成5似呀 , 你真係好好心機呀...........
回覆刪除[SkyBlue回覆03/30/2009 23:35:00]林太 (噢...我覺得我o地真係變o左做C9咁o既...好似行街巿撞到打招呼咁!),好多謝你呀!!咁o岩d花球夾到隻色,不過人o地係真花,點都靚好多o既!!!
兩隻色都好靚呢~無諗過花球可以自己整!
回覆刪除[SkyBlue回覆03/30/2009 23:36:00]係呀,其實我本來想DIY花球係想慳錢,同埋睇中o既花球款d色唔易搵,所以咪DIY囉...點知買下買下,買乾花d錢都夠我訂個真花花球LU....
oh, 唔錯喎, 隻色有少少 antique feel, 唔知襯褂有咩效果呢?
回覆刪除[SkyBlue回覆03/30/2009 23:45:00]原本網上訂時見到隻色係淡紫o架,收到花本來係有d失望,不過望下望下又覺得呢隻色幾少有,學你話齋,好有antique feel!!!
我諗襯褂都OK o卦,紅紅o地...我另一個dream 花球係淡紫,應該就襯唔到褂o架喇!!!
Agree有少少DIRTY PINK, 好ANTIQUE FEEL~ 280蚊真係有點貴, 不過整得好靚呢, 襯褂同WG都OK呢.
回覆刪除[SkyBlue回覆03/30/2009 23:47:00]yeah yeah,我諗好耐都唔知點叫呢隻色...dirty pink似乎最貼切!!多謝你呀!!
本來想整絲花球係想慳o架,估唔到買o下買o下又貴番...我總共買o既絲花o既錢都夠我訂造一個靚o既真花球lu...
好靚啊..... d色襯得好靚
回覆刪除[SkyBlue回覆03/31/2009 21:52:00]多謝你呀,估唔到兩束花放埋一齊咁夾o架,好彩無買錯o者!!!
好pro 啊, 呢張好似買一樣
回覆刪除[SkyBlue回覆03/31/2009 21:56:00]嘻,咁勁??你tum得我好開心呀~~~嘻!!
你d手藝好了得, 好掂, 仲靚過張相啦!
回覆刪除[SkyBlue回覆03/31/2009 21:58:00]嘻,咁勁??不過人o地係真花呀...我絲花點都差d...
你tum得我好開心呀~~~多謝你呀!!
整得好好呀，個color幾特別，出面好少有，而且結完婚之後可以擺係新居做裝飾 ~
回覆刪除[SkyBlue回覆04/02/2009 22:20:00]係呀係呀,我都打算留番做家居裝飾o架,話晒自己第一個DIY作品,我都唔會捨得掉o左佢,嘻!!!!
第一次DIY花球....吳係算唔錯, 係好得!! 襯番條靚靚絲帶就FIT 哂!!!
回覆刪除[SkyBlue回覆04/02/2009 22:21:00]多謝你呀,嘻,有你呢個高手讚,我好開心呀!!!
You've done a great job! It's beautiful!
回覆刪除[SkyBlue回覆04/02/2009 22:29:00]Thank you so much!!!大家o既鼓勵我收到晒呢,好開心呀!!
犀利 ar
回覆刪除[SkyBlue回覆04/05/2009 14:20:00]多謝你,嘻!!!
真係唔錯, 幾靚, D色好出好上鏡.
回覆刪除[SkyBlue回覆04/05/2009 14:23:00]我都好鍾意D色呀!!!特別係紫紅色花,我仲留低o左三朵做屋企擺設呢,哈哈!!
可止唔錯, 簡直 "掂" 啦, 好靚 tim 呀!! d 色好特別, 加埋條靚靚絲帶, 仲靚過係出面買
回覆刪除[SkyBlue回覆04/05/2009 14:22:00]好多謝你讚個花球呀,真係好開心呀,希望花球二號都可以整得靚啦!!!
好得呀!! 好靚呀!!! d絲花質素真係好好呀!!! 你手藝都好好呀!!!
回覆刪除[SkyBlue回覆04/18/2009 22:04:00]嘻,多謝你呀!!!好有滿充感呢!!!
你好有心機呀
回覆刪除[SkyBlue回覆04/18/2009 22:04:00]多謝你呀!!!
回覆刪除嘩 , 我睇返你的 DIY, 明明以前我都唔覺你識整 hand craft 架 . 點解你會咁勁概 ! 我都無諗過要自己做棒花 , 最多都只係諗下想要咩 style 的花 …… 唔得 , 我都要努力一 d, 襯仲有時間 . 不過我覺得個花莖都幾靚丫 , 但可能係絲花的關係喇 .
另外 , 我見你個花球都好靚呀 .
[SkyBlue回覆10/21/2009 22:20:00]好多謝你 欣賞呀,哈哈,我都估唔到整出o黎都見得下人呢,都係唔誤打誤撞咋,係啦,你有時間都可以整下呀,就算你自己用鮮花做花球,都可以試下整手花俾姊妹呀,當少少心意,嘻!!
你要加油呀!!
hello, 我係轉打轉撞入左你個blog的, 我見你結婚d相影好靚, 真係好有心思去籌辦你們的婚禮, 你的花係邊到買? 我都想整/
回覆刪除tkx
[SkyBlue回覆09/06/2010 13:02:00]我D花係淘寶網度買番o黎o架!!
本來係下面條link,但而家好似無左...
http://auction1.taobao.com/auction/item_detail-db2-617fb054f8f99aed576936ebd337908e.jhtml