倒數100天

倒數100日!!

時間過得好快,我呢個月完全feel到壓力有幾大!!!因為有d o野係時候要做,唔可以再拖!!最麻煩仲係,有好多鎖事要處理,我一個人成個腦都塞滿晒呢d o野,我feel到個頭就快要爆,星期一晚仲忍唔住壓力大到喊!!!

首先,呢個月內一定要完成o既有:

1. Book好Honeymoon所有酒店火車飛船飛
2. 去酒店俾第二訂加拎帖,事前要初步預計賓客人數,不過我仲有d朋友我想請但未通知人...
3. 拎帖去印,對稿,同時仲要預備帖上加工o既工具,剛過去o既星期一finalize o左設計,訂製中!
4. Confirm姊妹裙色同料,揀款就靠晒各位姊妹自動自覺喇!!
5. 監察麥田執相進度!星期二已經通知設計師我選好o既相,所有成品會用邊張相!設計師話只係修o個40張相要個半月,嘩...好耐呢!!所以,為免又出現溝通問題,我決定自己排埋個版等佢照跟,乾手淨腳!!星期二晚已經排好五跨頁,只要花多三晚便可以排好所有版面!
6. 買傢俬，抹屋

比較上無咁急o既,唯有下個月先做:

1. 襟花手花花球花車裝飾DIY
2. 成長片DIY
3. 諗rundown
4. 帖加工
5. 買兄弟太同中式禮儀未預備好o既各事項
6. 約當日攝影師pre-visit男女家&酒店
7. Book身體檢查

呀,仲有,已經定o左5月31先過大禮,之後得好少時間約人派帖,我要努力!!真係好希望快手腳d,最後一個月可以free番出o黎for派帖同休息!!!

P.S.多謝靚太姊妹珍妮提點呀,俾ｏ左好多意見我，我會加油ｏ架喇！

=======================================================

尋日,收到^.^帶俾我的一個bad news...一睇到'bad news',我已經估到呢個消息係咩...

結果不出所料,^.^不能出席我的婚禮了!!!

種種原因的解釋,我真的未能接受,因為在我的角度去看,明明是有方法解決的,只是可能要多花點錢而已...但你們沒有去選擇,我也沒有辨法...

收到消息後我一直在office禁不住流淚,在巴士上亦一樣...今天,收到你的正式通知,我又再一次流淚了,雙目現在通紅得已經沒法在同事面前裝作沒哭過那樣...

'我o地自上年一齊宣佈結婚,大家婚期咁齊,一切經歷一齊分享,我的大日子不能沒有你!!'

這是我昨天對你說的,可是,還是改變不了你的決定!!

沒有辨法,你們的決定我沒法子去左右,亦沒有權去左右!!

但...

我不能否定我的感受...!!!我沒有嬲你們,但我覺得好傷心,亦覺得成件事對我很不公平!!!為何你們要決定婚期這麼近我的大日子?好了,到我接受了,為何偏偏因此引起的問題你們卻選擇要我去承擔??當中感受,相信你們不會陌生,因為我覺得我面對的,跟^___^細佬對你們,及最近你篇'甩底'所寫的沒有兩樣,而我所感受到的,只有更深!!!

因為...

你絕對是這一年多以來,在我整個婚禮籌備過程中,除我男友以外最重要的一人!!!

可是現在...我再哭再投訴亦沒有用...

昨晚你說你會作出最後決定...我...亦沒有將我多餘的意見說給你知,因為我不想給你壓力,令你難做,甚致令你跟^___^嗌交!但...其實我昨晚亦已經想清楚了,既然你決定不出席我的婚禮,我亦不會出席你的了!

就讓一切回到原點,回到當初知道你婚期早我兩星期那天!!那天,因為傳統問題,我已有互相不出席的念頭,但,很謝謝你大方表示不介意互相出席!!不過,我已經聽過不止一人說過,互相出席婚禮對雙方都不好,特別是遲結婚那一方...現在,你們既然不會出席我的,如果我還要出席你的婚禮,相信對我的影響只有更大!!

現在,既然你沒法了出席我的婚禮,我亦只好讓一切回到原點,回到我最原先的想法!!

希望你明白我...有時,傳統的事,不由我們不信!!原來婚期這麼相近,真的有不少影響,所以,我不想冒險了...

最後,我還是會祝福你們的,雖然我未能親身見證,但以另一種方式出現(拍video?)也許可行吧?

但願這一切不會影響我倆這一年來,增進不少的感情...