抹抹抹,抹到六點...抹完都好似無咩用,因為乾o左後個地仲係舖滿白色粉抹,睇怕要叫師傅搵適當o既化學劑抹先得!!至於燈呢,因為今日星期日唔可以鑽牆,所以最大o既廳燈結果都係無裝到住...仲有,d燈o既水晶吊飾我o地都未勾上去呢...唯有下星期再整!!
本來諗住出埋去買傢俬,但抹完o野成身好污漕,個人又支力,所以都係放棄喇...不過下星期已經俾未來99 book o左要陪佢睇99衫...要好好安排時間先得!!
P.S. 今日係honey同我爸先上去新屋先,我後join,我上到去先發現裝燈竟然無帶燈膽...仲有,拎吸塵機上去吸o野竟然唔記得帶吸咀條喉...呢兩個男人做o野做一半...都唔知應該好嬲定好笑...
抹窗中o既honey!
裝燈中o既爸爸!!
至於抹地中o既我呢?兩位男士又點會識得幫我影花絮呢???哈哈...
個人覺得咋, 因為我上次趕住入伙, 抺完一輪之後, 都係好似好多灰咁, 所以冇理佢, 照入去住, 有o的人氣反而好快冇咁多灰喎, 不過睇你慣唔慣lu, 哈哈~
回覆刪除[SkyBlue回覆03/17/2009 21:56:00]haha,可能俾你o地行出行入抹走晒...
so good~~ ^^
回覆刪除[SkyBlue回覆03/17/2009 21:56:00]yeah~
睇黎進度好好喎 ,有老公 , 仲有爸爸幫手 , 你一定可以on time 完成所有item 架 , 所謂人多好辦事呀............加油..........
回覆刪除[SkyBlue回覆03/17/2009 21:57:00]yeah,我會努力o架喇!!!祝你呢個星期影相順順利利,影得又靚又滿意呀!!
多兩個人幫手真係快手好多, 加油呀!! 好快就bd了.
回覆刪除好快手呀!! 加油~~
回覆刪除