Save the Date~

呢幾日係度數人數,因為星期六要拎帖去印喇,不過我都係拎得十二三圍帖,其實我估多數都係印晒先o架喇,預多好過預少!!

我同honey一定會邀請o既親人同朋友已經有144人(12圍),大家都知我個場放得15圍人,計埋男女家未肯定會唔會請o既疏堂親友,就算我請唔代表真係會到,但我剩餘o既buffer真係唔太多,所以我一定唔可以濫發邀請,如果唔係到時太多人,我要掉轉叫人唔好就太樣衰喇!!

不過大家都知,總有d人真係唔知請定唔請好,大家明明唔熟,但又算相識一場,一係唔請,一請又要請埋D唔熟o既人,請d唔請d又可能令人覺得無禮貌,點算好呢?

而家心目中有幾個做法:

1.學我爸請同事咁,all or 0,一個都唔請!!呢個做法其實幾乾手淨腳,得罪人少,而且我估比較熟o既朋友仔應該會理解同唔會介意!
2.只請我想請o既,其餘就親自通知我結婚,解釋因為場地所限所以請唔到喇,希望對方唔好介意!!
3.請晒!!雖然問心有部份人真係熟都唔熟下...但咁做包保唔會俾人話我無禮貌!

以上三點,我暫時prefer 2,唔知大家又點睇?

===========================================

由於我想請o既朋友仔仲有部份係未知我結婚,而有部份番shift/要飛/o係海外o既朋友都要預先請假,既然帖就要6月先派得,所以我就學mrs cocoa bean整o左save the date e-card,target呢個星期內發放俾各位朋友仔!!

其實我同honey揀好o左邊張o架喇,唔知大家心水又同我o地一唔一樣呢?

1)

 

2)

3)

4)

5)