第一pair中學同學結婚喇!!!

今晚我去左飲我o地班第一pair拉埋o既同學仔o個餐呀!!!(嘻,我決定結婚時仲以為自己先係第一pair,但原來唔係呢!!嘻!!!)

先講今朝,今朝我捉左我honey陪我乖乖咁坐係度揀麥田d相,仲記得第一輯我o地由四百幾張入面揀八十張揀o左三個鐘,今次呢...四百五十張入面揀四十張,結果,只花o左我地一個鐘,可想而知d相有幾易揀!!!

揀完相我再捉住honey問襟花應該點襯,姊妹手花點襯...我發現我開始完全信任佢d決定喇,差唔多所有items就算我做足research,最後都要佢首肯我先敢決定呢!!!哈哈,開始有做跟得夫人o既條件喇!!!

下午六點,同伴娘Natalie先去搞掂伴娘裙,本來諗住confirm埋姊妹裙o既色同料,點知咁o岩個色版拎走o左,噢...仲諗住今日可以搞掂埋呢個item添!!

我同Natalie六點幾去到旺角帝京,我仲記得我o個時都有call過呢度問酒席o架,不過out budget所以無睇過,但呢個場真係幾靚呀,無柱又唔係長條型,最緊要係樓底好高呀,真係幾靚呢!!!

我地去到時間尚早,好多同學仔都未到,咁我地就唯有望下一對俊男美女新人影相,新娘子今晚好靚呀,其實佢不嬲都好靚女o架,今晚就更加明艷照人!!

其實我本來同新娘唔太熟o架咋,但大家因為搞結婚而多o左話題,比以前熟落o左少少,好開心可以睇住佢o地今晚搞得咁成功!!我都要借鏡呢!!!

至於新郎哥,佢其實係我幼稚園同學同中學同學,大家樓上樓下街坊成日都會撞到,今晚我去到reception時佢哥哥認得我,仲講得出我全名真係十個驚喜,因為我唔多認得佢哥呢!!!至於新任奶奶,我當然都有同佢打招呼啦,佢都算睇住我大,仲問我好似都快拉埋添,後尾佢行去街坊o個圍時又同我傾o左幾句,話佢認得我honey添呀,話以前出出入入見我honey好o靚同瘦d,而家肥o左喎,哈,估唔到佢咁觀察入微,連我honey都認得呀!!!勁!!!至於我honey就大讚新任奶奶好靚,感覺好優雅,仲有佢條裙都好靚添!!!

開席,當然唔少得多謝父母o既感人場面,另外,成晚仲玩o左兩個遊戲同埋一對新人合唱表演,我同honey都覺得o個兩個遊戲簡單得o黎又involve到全場賓客,又有意思,好impressive!!!

第一個遊戲係每台寫一句祝福語,之後由新人選出最好兩圍有獎(話時話,都唔係好知有咩獎!),最後被選出o既竟然係兩句對聯,好有文彩,搏得全場讚好!!!第二個遊戲就仲得意,就係每圍派一份報紙,原來一對新人係報紙登o左結婚啟示呀,所以要d賓客鬥快搵!!!由於段啟示比較細少,全場人不斷搵搵搵,企晒起身打開報紙,場面好趣怪,但又好開心熱鬧!!!最後我諗都花o左幾分鐘先有第一圍人搵到段啟示,原來段啟示真係幾細,不過好有意思,係一首用一對新人名字作o既詩,由最快搵到o個圍人o既代表朗讀出o黎,全場拍掌!!!

呢兩個遊戲真係唔錯呀!!!睇見佢地咁成功,令本來諗住唔玩遊戲o既我忽然都諗係咪要搞番d遊戲先得...不過睇怕要諗d咁正o既game都幾有難度呢!!

是晚十一點多少少散席,好開心今日見番好多都無聯絡一段時間o既同班同學!!原來大家年紀都有番咁上下喇(雖然我唔想認!),除o左o黎緊到我之外,仲有另外兩pair人都會o係牛年結婚呀,一pair今年年尾,一pair出年年頭,真係要儲定錢做人情先得喇,哈哈!!!

係呢度,祝願一對新人白頭到老,永遠都恩恩愛愛!!

(唔知幾時先有相睇呢,收到後先再post啦!)