好有效率的一天

冷靜過後,我o既心情已經好似天氣一樣,陽光再現喇...唉...其實心情點差都好,始終都係要繼續忙碌,特別係而家只係得番三個月時間!!!

今日由朝忙到晚,但完成o左唔少濕碎事項,成績都算唔錯!!

首先一早陪honey出灣仔交form,由於時間尚早,食埋o野就叮去中環買閃粉for帖加工用,再慢慢由中環行番過灣仔,難得享受o左一陣攸閒!!

係連根拔見到呢座台燈,有巴斯光年,史力加仲有星球大戰D人,好勁呀,吸引好多人目光呢!!

兩點,去到灣仔萬麗,因為約o左sales俾第二訂同拎帖!!由於仲未好仔細咁數要印幾多,所以拎多少少,拎定十三圍帖先,sales好有環保意識,著我有多記得可以俾番佢地回收,我鍾意!!

上得去萬麗,當然要去探下我個靚場啦!!!
左: 特登叫honey企上backdrop...點算呢,honey太高喇,佢企到貼住個backdrop都好似頂住個頂咁喎...
右: 今日擺o左十四圍,通道都唔算太迫o既!!!

另外,我同honey仲特登企上台睇下係台上面望落去賓客道會係點!!!
結果發現,o係台上面望去最遠一台最遠一個位都仲係好清楚,清到連表情都一定睇到,哈哈,所以各位賓客唔使怕睇唔到我同honey呀!!!不過警告大家呀,大家都唔好講我壞話呀,我同Honey都會睇得一清二楚o架!!!

之後我o地就一齊叮去天后,因為我honey話我知佢兄弟個老婆開o左間賣婚紗晚裝o既舖,所以特登去睇下!!不過呢...因為衫款唔多,而且比較合我心意o既都係婚紗唔係晚裝,所以最後都係睇o左一陣就走喇!!

天后o既天空...我真係無幾可會出天后呢...估唔到俾我見到多年無見過o既彩虹,加埋飛機飛過拉出o黎o既尾,好靚...好配合我回復陽光o既心情呢!!!

之後,我o地就去佐敦拎信用卡禮品,係一部吸塵機,不過好重呀,好後悔咁早拎!!幾經辛苦終於上到旅行社,因為想今日搞掂埋d honeymoon酒店,點知今日旅行社超級忙,我想搵o個位好熟歐洲o既職員都唔得閒招呼我,唯有搵另一位,不過呢位職員唔算太helpful呀,俾唔到太多有用info我...而且,今日我先知呢間旅社只會幫我地book酒店,唔會book hostel,所以我坐o左係度個幾兩個鐘我都只係猛咁抄佢o地可以幫我book到o既酒店資料咋...!!!最後搞o左咁耐都係咩都未book,因為要再研究一下行程,至於酒店方面,我估我最多都係through佢地book幾間,其餘,特別係瑞士境內,我諗我都係book hostel多!!

不過襯我係度抄抄抄,honey就趕o左去都會海逸搵幫我o地影第一輯婚照o既Michael Law拎埋隻pre-wedding CD~!!!上年4月30號影相到今日都快一年喇,終於拎到手喇,yeah!!

最後我o地六點幾番到屋企,因為今日o既戰利品實在太重(其實我十三圍帖已經好少...不過部吸塵機就真係好重,辛苦honey!),成身散晒呢!!!

左:合吸塵機真係好大好重o架!!
右: pre-wedding video封面,仲有母帶!!