卡通

今日同同事們lunch時講o左好多卡通片,哈哈,之前幾份工都無d差唔多年紀o既同事,呢份終於有喇,多好多共同話題,番工時點都開心d呢,哈哈!!!

Besstty生日會

今日好大頭蝦呀,因為我尋晚換o左個大袋方便呢幾日凍o左袋番d頸巾之類,點知我竟然唔記得拎番條鎖匙番公司喎,結果咪開唔到公司個櫃拎番部電腦出o黎做o野,成日遊手好閒呢!!!!

當然,我都有問人拎o野做,不過咁o岩又唔趕,所以我襯機會教同事做o野,唉,自己都半桶水咋,又點有資格教,哈,而結論都一樣喇,我唔係一個好老師呢,哈哈!!

同同事傾o下計就放工,落o左荃彎後第一次過d咁輕鬆o既日子呢!!!放工後join埋珍妮同雞泡出中環,原來荃灣出中環只係二十分鐘,勁快呢!!!

今晚同上幾次一樣,大姐會多人之餘仲有幾位猛男出席,好開心今次到Bobo賞面呀,之前見過今多次都唔係正式出現大姐會活動呢!!!

今晚十二人去小南國,食物普通啦,都係上次太風流好味d!!!

成晚阿Chris好搞笑,佢同karen拎住比蒂手機做表情好搞鬼,之後大家又玩偷拍,令我諗番以前呢!!!!

送禮物,比蒂係化粧set,支唇彩同mascara都好靚咁呢!!!而阿Bess就係一個多功能Cushion,佢用cushion放o係頭頂影相時好似米妮呢,好得意呀!!!!

戀愛顧問?!

落o左荃灣個project後又識多o左人,而且大家年紀差唔多,都幾好玩!!!

其中一個同事佢有個小女友,剛入U,住hall上莊拍拖,壓力好大,兩小口子嘈交,我同事於是就請教我呢個team入面唯一o既年青女性,放工仲陪o左佢買o野送俾女友添,哈哈!!!

其實我都無乜經驗o架咋,只係自己都經歷過嘈交...自問都俾唔到咩好建議呢~不過,我覺得我同事都幾積極,至少肯去請教人,主動咁去解決問題,態度完全正確呢,加油啦!!!

鏈

今日買o左條鏈呀,其實之前都買過一條o架,可惜d石係我戴都未戴過之前已經甩o左,一直都唔知去邊搵番d石o黎配,唉...好浪費,所以今日買鏈時猛check條鏈,真係好驚佢又會甩呀...不過,今次條鏈雖然係貴少少,但又真係幾靚o既,而且d石係窩o左入去,應該無咁易因為著衫除衫刮甩o卦~

大家又覺得條鏈靚唔靚呢??

打網球

今日同honey又去o左新街巿食o野,不過大家都覺得成日食豬排麵就算幾好味都會yim,所以今日去o左食粥,碟炸兩好好味呀,仲有雜誌剛介紹o既醃鶉蛋燒賣呢,yummy!!!!

食完時間尚早,所以上o左圖書館,搵到想要搵o既書,嘻!!!

兩點,去o左網球場,等中學同學其間有隻蜜蜂不斷追住我honey個頭呀,我o地行到好遠佢都仲係lou住我honey頭,好不容易先擺脫到佢,哈哈,唔知我honey用咩洗頭水咁吸引呢d狂蜂呢!!!

開波,今次係我第二次打網球,對上一次好似係小學時代,哈哈,耐到唔多記得囉!!!其實我今日主要任務係做執波仔,不過Honey都有俾我打o左一陣,力大無窮o既我要打個波過網一d都唔難,仲要大力到打到d波飛晒出網球場外添...哈哈...究竟點先可以控制到自己d力呢!!!!

由於今日好曬,所以我都好快投降,俾番兩位男士打,而我就轉為做攝影師,哈哈,無乜幾可打網球嘛,當然要影番d相啦,不過兩位男士唔想上鏡呢,唯有post我自己o既英姿上o黎啦,睇落都好似幾有姿勢喎,哈哈!!!!

自從無打壁球後都有兩個月喇我諗,好耐無做運動,打完波後雙手比平時震呢,哈哈!!!

賴你

依賴你!!

仲有一年零七個月!!!

大mon

今日o係公司同natalie MSN,始終相識多年,點都了解我多d,同佢傾完計心情都輕鬆o左呢!!!!!

======================================================

細佬買o左新電腦,所以佢部機就俾我用,我用緊部notebook就俾我爸用!!而家我用緊個19寸mon呀,比以前大好多好多,好正,不過又要慢慢幫d file做migration喇,好煩呢!!!

沉迷

沉迷於妄想中...情況日益嚴重喇...help...

down

呢個星期心情有d低落...好多事好似都解決唔到咁...覺得自己好無用呀...

傳千里

今日開始落o左荃灣番工,車程其實唔太耐,不過落車要行十五分鐘先到office,最終都係要成個鐘...唔知我要o係呢度留幾耐呢??!!

今日終於同我中學同學個細佬共事,早就講過呢行好細,食飯o既時候講講o下,發現同事們從不同渠道,都曾聽見過關於我o係舊公司o既事跡...噢...好彩我無亂講o野o者,世界細成咁,以後講o野要小心d先得,哈哈!!!

堅持早放工,番屋企努力又點話,不過有時都諗,咁樣做會唔會唔太好,有時甚至會諗,如果屋企唔煮我咪唔使日日趕番去陪屋企食晚飯囉...um...

無了期?

同Honey意見分歧...好唔開心,尋日仲以為踏出o左第一步...honey整喊我...

係我任性嗎?

 

轉戰荃灣

聽日開始轉戰荃灣,希望唔好咁夜放工啦...

另外,honey話我知佢聽朝入黃埔....o下??如果我遲一日先落荃灣,咁聽日咪可以同honey一 齊番工囉...我唔制呀~!!!!!!!!

=======================================================

夜晚睇報紙留意到以下一段新聞!!!

孫方中﹕政府還要研究多久？ 普通話教學先驅

我就係o係孫女士o既津小(母校而家已經算係大埔名小學喇!)度畢業o既,還記得當時自小一起中文數學社科健都已經係普通話上課,不過由於師資所限(會正宗普通話的老師當年應該只有少數),及後幾年好似越用越少普通話上堂!!!!但由於比其他人早接觸普通話(學習language o既最critical period大約在2-5歲),我d普通話都算可以,所以我都幾慶幸自己可以o係一間用普通話作教學語言o既小學畢業呢!!!

總之,以一個過來人身份,我係好支持政府推行普通話教學o架,因為將來香港同大陸關係只有更密切,識普通話已經係必須,大個o左先學就太遲o架喇!!!

第一步

夜晚同honey傾電電,講o下講o下上埋賽馬會個網睇資料,好開心,踏出第一步,加油呀!!!

萬豪自助餐

今日同家人舅父舅母表弟等去萬豪食自助午餐,聽講都幾出名o架,真係要多謝舅父搞今次自助餐gathering呢!!

我o地一行十一人十二點半去到金鐘萬豪酒店,當時cafe入面已經好多人喇,我o地放低o野後急不及待就去揀o野食!!!

老實講,地方比我相像中細,而且食物款式只係OK,唔係想像中咁多,不過海鮮還是有加菲蟹、長腳蟹、東風螺、翡翠螺、生蠔、青口同蝦,雖然無用具開d殼,搞到唔係好食到d長腳蟹,不過平均o黎講d海鮮都好有鮮味,特別係青口,平日真係好難食到d青口係咁清甜呢!!!

至於魚生呢,就有三文魚、吞拿魚、赤貝同魷魚,另外仲有幾款sushi,最鍾意係佢o既手卷,師傅即叫即整,唔係太多人發現到咋,不過味道好得,因為佢將甜甜o既鮮芒卷埋入去o架,好好味,不過掛住食其他,最終唔記得食多一轉呢!!!!

熟食方面,有燒牛、海南雞、燒味、花膠、魚柳、咖哩等等,其中茄子同林到好似魚咁o既炸豬扒令我印像比較深,而名貴車仔麵就有龍蝦做食送,湯底亦夠濃,仲係全場最熱辣辣o既美食,的確好味!!!!

話就話無想像中咁多款,但都足以食到脹住個肚走呢!

番到屋企,honey猛問我諗住下次幾時再食喎,哈哈!!

韓國泡菜飯

一家三口食o下飯行o下街,其實天氣開始轉涼後都好想買o野,好似今季好興o既ankle boot咁,不過呢半年都要供做lasik o既分期,每月支出大o左好多,所以硬係要忍住手唔買o野,好似今日咁都係齋睇無買,其實都幾辛苦o架,哈哈,不過想儲多d無法啦,唯有希望快d到聖誕大減價啦!!!!

行過吉之島睇到做韓國食品節,我媽一直想搵整韓國泡菜飯o個d韓國甜辣醬,今日見到有d幾次o既,但由於唔係中文,售貨員又唔係好知,所以買o左兩支唔同牌子,我同我媽開心到諗住即晚試,即刻去超事買泡菜做配料!!!

夜晚,自家製o既韓國泡菜飯出場喇,味道同出面o個d都幾似(當然出面好味d,但都唔錯!),特別係用醬料yip o既冬菇絲味道最似,好味,屋企又多一味食送喇!!!

黃真伊

夜晚無咩o野做上網睇o左宋慧喬o既黃真伊...雖然伊人依然好靚,而且角色同佢之前做開o既亦有d唔同,不過成套戲都幾悶,可能係字幕唔準關係,我唔係好了解點解黃真伊同男主角真心相愛但都要走上做藝妓之路...而且,喬妹太鍚身喇,做藝妓做到只露肩...硬係覺得未能表現出該角色應有o既神韻呢!!!!

十位大姐太風流!!!

上次Emily生日後,眨o下眼大姐會又開生日會喇,今次主角係我同Jenny,而成晚最開心o既係,今晚大姐會終於自上年emily生日後,再一次齊人喇,認真可喜可賀!!!!

是晚我o地去o左一間京菜館泰豊廔(太風流?)食晚飯,呢間菜館都幾隱閉,真係要阿Chris同仙?咁識飲識食先識去呢!!

十位大姐再加三位猛男(歡迎肥培第一次出席呢!),真係陣容鼎盛呀,由於有大姐要遲o黎,所以大家邊傾計邊等,差唔多九點先開餐,美食有冷盤、片皮鴨、松鼠魚、筍、蜜汁火方(十個讚,特別係d蓮子,甜得o黎唔漏呢!)、炸里脊、紅燒豆腐、賽旁蟹、冬瓜湯同埋唔少得o既壽包(其實仲有一樣,但我唔記得叫咩名),好豐富好好味!!!

Emily由於遲o黎,再加上食店好似好趕住收工咁,所以Emily一o黎到大家就急住咁影年多以o黎未有機會影o既十人大合照,搞到佢無咩時間食o野呢,真係要多謝佢咁夜放工都仲過海出o黎呀!!!!

到送禮物時間啦,Bess同Betty將我份禮物放o係珍妮份禮物入面,話我無禮物呢,哈哈,我又點會信呢!!!拆禮物喇,珍妮o既係一個同佢件衫好襯(連質地同顏色都一樣呢!!!)o既袋同心口針,而我就係一個化粧袋連化粧品,我第一次收化粧品咋,好開心呀,而且個袋好高貴,入面盒胭脂仲有淡紫色閃粉o架,我未試過用有閃粉o既胭脂,好想快d試呢,不過又有d唔捨得用,因為朵花花好靚!!!總之,多謝Bess同Betty啦!!!

就係成晚聚會接近尾聲時,雞泡忽然同大家講佢已經找o左數!!噢!!!!大家都有少少打o左個突呢...哦~,原來佢好想我o地o係佢同珍妮結婚o既大日子俾多d面幫多d手兼手下留情呢!!放心放心,就算你唔請呢餐,我o地都一樣會落力幫手o架!!!!!

番到屋企睇到雜誌有呢,真係好靚呀!!!

難得十位齊晒,當然要整張最update o既大姐會wallpaper啦,希望大家鍾意啦!!

仙廸Blog: http://hk.myblog.yahoo.com/jw!TRa4NGafCRQsalrQ3vL_FxKSfmY-/article?mid=1152&suc=1

Bet Bet Blog: http://hk.myblog.yahoo.com/ahbetbet/article?mid=177&prev=171&next=167

婚禮

可能尋日玩得太支力,今日起身全身都好支力,特別係雙腳,仲差d唔知醒添呢!!!

快快出門口,因為今日要去參觀我舊同事o既婚禮!!十二點去到太古,之後同舊同事飲茶,食到好飽,雖然已經離開舊公司一個月有多,但係一齊食飯o既感覺仲係好親切,並唔陌生呢!

兩點入到筲箕灣浸信會,今次其實係我第一次去非親友o既婚禮,開頭好期待o架,因為新人都信教,所以我幻想場面會好似劇集入面咁,點知,原來今日去呢度唔係教堂,而係教區禮堂,所以無得o係教堂門口同新人合照,亦無拋花球儀式呢!!儀式開始,唱o下詩歌聽o下經同新人o既感受,其中新郎向父母講我愛你o既時候真係好感覺,唔少人,包括我在內都有眼濕濕呢!!!!

最後,親友同事們輪流同新人合照,差唔多四點回程!!!!

第一次觀禮,場面竟然無我想像中咁touching呢,或者我始終同新娘唔算太熟吧...不過點都好,祝福一對新人白頭到老!!!

大日子

今日我同honey過o左一個好開心o既星期五,好耐都無試過玩得咁開心喇,多謝honey呢!

好似平時咁早起,嘻,好似好耐都無化過粧出街咁!八點幾帶住靚心情出門口,先同honey去蔡潤記食個豐富早餐,今日d湯低好似特別濃,好惹味,不過我卻癡牙,結果坐車時全程lor lor luen,好彩後尾去到金鐘站俾我搵到牙簽咋..哈哈,差d俾d牙屑影響o左我成日o既心情添!

到達今日o既目的地~海洋公園!去到已經好多人,除大陸團外仲有唔少中小學生,原來中小學生會有團去海洋公園o架喎,點解我以前無試過o既!

我同Honey由正門入去,雖然海洋公園剛加價,但因為今日係我大日子,所以唔使錢,而honey就有九折,都算抵,不過我留意到電子板寫住生日優惠去到出年1月10號咋,好彩今年決定o黎玩o者!

一入正門就見到七彩升空氣球,幾年前無o架,所以即刻排隊,約十個人坐上氣球,嘩,都幾高呀,加上今日天公造美,唔凍唔熱唔曬唔落去,所以無尋日咁大霧之下可以望到好遠,咁大個女第一次坐氣球咋,好玩!

o係氣球上面,好高呀!

落番地面後我o地去跳彈床,我同honey玩完後都覺得跳彈床超好玩,落地o個時仲覺得自己仲跳緊,感覺好得意,不過呢度無人排隊,唔知點解其他人咁唔識貨呢!

跳彈床,好好玩呢!

再之後去探安安佳佳盈盈樂樂,安安佳佳年紀大,比較成熟穩重,而BB盈盈樂樂就可愛活潑又唔怕醜,坐到好近玻璃,所以我要幫佢o地影寫真一d都唔難,真係好kawaii,難怪佢o地咁得人歡心呢!

呢個咁可愛o既BB背影,唔知係盈盈定樂樂呢!?

 

左: 兩個為食BB掛住食,一個背住遊客,另一個就直頭用竹葉蓋住自己
右: 本來背住我o地o既BB有行動喇,佢食完竹想去邊呢?

 

左: 哈,原來只係轉位繼續開餐,不過今次佢坐正o係遊客前面呀,仲眼仔碌碌周圍望人,吸引人猛影相,好識搶鏡呢!
右: 臨走經過安安佳佳,兩位老人家不約而同都番o左室內lei埋食竹,哈,或者老人家唔想同BB爭上鏡呢!

坐纜車上山,之後去參觀鯊魚館、水母館同海洋館,第一次去水母館咋,d水母半透明o既身仔隨住燈光變色,好優美呀!不過,我同honey都覺得海洋館始終係最好睇o既,因為夠大又多魚,我o地睇o左好耐呢!之後我o地去o左食o野,本來我o地今朝食咁豐富就係唔想o係公園住面食貴o野,不過個肚打晒鼓,唯有幫襯M記啦!

 

Honey送o既鏈!                               呢杯o野靚就靚,不過好難飲!

 

      鯊魚館!                                     水母館!

 

 

蛙魚!黑漆漆咁,仲好似有手添o架!                   海洋公園標誌!

 

Nemo同佢d親友!                魔鬼魚同巨型魚!

 

一pet o野咁o既八爪魚!                                       海龜!

 

鬼魅般o既魚!                      全場個樣最惡o既鯊魚先生!

好,食飽飽,出發玩剌激o既機動遊戲先!第一樣就係最得人驚o既海盜船,對上一次係我第一次玩,印象好深,所以今次我排隊時都好驚,honey猛叫我坐最後一排,但我點都唔肯,最後各讓一步坐第三行,噢,點知原來兩邊唔平衡,一邊五行一邊四行,咁o岩我呢邊係四行 ,所以我就坐o左上第二行,honey話我賴貓,因為佢真係好想坐最後一行呢...不過,我一d都無後悔坐第二行,因為真係好恐怖呢!

之後誤打誤撞行o左去海洋劇場,距離開場仲有一個鐘,不過我同honey見無咩地方去,所以就坐低等,由於好多大陸客,所以不難見到d著得好靚o既女士除鞋捽腳...噢...真係無眼睇,著到咁時髦又有咩用!

傾o下傾o下夠鐘,首先有四個人出o黎演奏,不過同廸士尼差好遠,因為佢o地無笑容o架!表演開始,不過內容同幾年前無分別,自從海威小姐走o左後海洋劇場只由兩隻海獅同三條海豚擔正,感覺比較單調,唔知海洋公園有無諗過再養番條鯨魚呢!?

右邊黑衫個女仔高高瘦瘦,好少見咁靚女o既訓練員呢!

 

之後我o地再去坃越礦飛車同滑浪飛船,好好玩,不過成身濕晒,都幾狼狽,哈!最後,我o地去o左百鳥居,咁耐以o黎我同honey今次先第一次去咋,入面有好多顏色奪目o既雀仔,我o地冒住中雀屎o既危險,o係入面都行o左好耐呢!

d雀仔完全唔怕人,反而我仲怕佢o地,睇o下,呢隻藍雀行得幾大搖大擺!

話咁快玩到六點,臨走買o左個竹形o既餅仔做手信,之後長途拔涉趕番去,本來都有諗過出去食飯,但為o左追大結局,所以最後決定簡簡單單去伍仔記叫食送食飯,之後就各自番屋企睇電視,結束今日o既開心之旅!

 

手信,學另一主題公園咁喎!                           冷盤同口水雞,好好味!

上年去廸士尼,今年去海洋公園,兩個主題公園各有各好玩,不過今次去海洋公園就覺得佢有唔少地方想向廸士尼學習,好似幫遊客影相同增加o左唔少手信類別咁!不過講真,廸士尼係賣夢幻,同米奇呢d國際大明星合照的確開心過今日同威威師令影相o既~...不過海洋公園係港產,機同遊戲剌激好多而且地方夠大,主題亦比較有教育意義,所以兩者真係唔可以比較o既,最緊要入去玩o既人可以開開心心就得喇!

P.S. 今日收到好多friend o既SMS同Facebook留言,多謝大家厚愛呢!
        另外,今日買o左張六合彩,希望壽星會幫我帶o黎好運啦,哈哈!