韓國泡菜飯

一家三口食o下飯行o下街,其實天氣開始轉涼後都好想買o野,好似今季好興o既ankle boot咁,不過呢半年都要供做lasik o既分期,每月支出大o左好多,所以硬係要忍住手唔買o野,好似今日咁都係齋睇無買,其實都幾辛苦o架,哈哈,不過想儲多d無法啦,唯有希望快d到聖誕大減價啦!!!!

行過吉之島睇到做韓國食品節,我媽一直想搵整韓國泡菜飯o個d韓國甜辣醬,今日見到有d幾次o既,但由於唔係中文,售貨員又唔係好知,所以買o左兩支唔同牌子,我同我媽開心到諗住即晚試,即刻去超事買泡菜做配料!!!

夜晚,自家製o既韓國泡菜飯出場喇,味道同出面o個d都幾似(當然出面好味d,但都唔錯!),特別係用醬料yip o既冬菇絲味道最似,好味,屋企又多一味食送喇!!!