Recent Update!

婚前開始越o黎越少o係呢度寫blog,婚後都仲係無咩時間俾我pick up番呢度...襯今日公司部電腦壞左,我搬左去一間無人o既大房做野,等我係呢度update自己最新status先~~

1. 最近好勤力做煮飯婆,兩口子兩個月就食完一包五公斤米!!(其實有時都想偷懶,但家住'半山',放工時間又就唔到老公子,出街食飯應該仲麻煩過自己煮...)

2. 呢排覺得自己終於適應新生活,開始catch到少少私人時間...雖然呢D時間仲係好少好少...

3. 另一半係夜鬼,對自己好一點o既方法係...自己訓先!!

4. 由於catch番少少私人時間,決定pick up番放低o左兩年o既煲日韓台劇生活,第一套揀o左玄彬同宋慧喬o既<<他們的世界>>...老實講,套劇好悶好悶,唯一令我仲未放棄o既原因,信相只有靚仔靚女呢一個point!!

5. 工作上呢個月有d忙,夜左放工,好彩,project快埋尾,呢兩日開始又得閒番,yeah!

6. 年尾公司地震,所以未必會同我續約,十月開始要搵工喇!!

7.最後婚後仲遇到兩件事一直好想寫,希望有時間寫番我對呢兩樣野o既感覺: 1. 50歲o既大肚婆 2. 討厭o既青蛙

 

 

希望以後多番D時間好似以前咁,多D update我日常生活o既小事趣事啦!!加油!!