一齊睇波

世界盃冠軍戰,我終於實行o左我七年以來都未做過o既事~就係陪我Honey睇足球比賽!!!!!我o地食完小肥羊就去o左買睇波o既零食,開波喇,雖然好眼訓,但場波都幾好睇,仲有少少越睇越精神o既感覺呢!!!一開波享利就被人撞到呆呆滯滯,嚇死人,之後就法國十二碼,施丹主射,但個波彈番出o黎,唔係慢鏡我都睇唔清係咪入o左!!!之後就到幾個好有威脅性o既意大利角球,其中一球入o左,噢,開場無耐話咁快就一比一,真精彩!!之後一路打到加時,都諗住等睇十二碼喇,點知施丹臨完加時前忽然用頭撞人,成隻牛咁,搞到退休前最後一場都要被紅牌趕出場,都唔明點解佢要咁樣做呢!!!!十二碼,真係緊張,可惜法國最終都係輸o左,我同Honey都好失望呢!!!世界盃狂熱又告一段落喇,雖然只係陪honey睇o左一場波,但都幾開心,我仲問o左佢好多關於足球o既o野,嘻!!