聽日番工,所以今日係短期內最後一早陪我媽食lunch(手牚)台腳!!!番到屋企無耐就出門口,因為要去上次written test得十二條MC間公司見工!!見o左半個鐘,份工係做market research/民意調查,雖然係一間成日幫政府做o野o既大公司,而我對data analysis都有少少興趣,但要寫research plan同需要成日travel,所以感覺麻麻!!!
番到屋企六點,開電腦check email時真係太驚喜喇!!!!因為上星期一final in那份工用email通知我有offer了!!!(如果我一早check email,我就唔會出去in今日份工喇!)雖然人工俾我要求o既低好多(車錢超貴!),而且係contract而唔係permanent工,但始終係大公司,project involve成個亞洲region,仲係我好想學同做o既電腦o野,所以如無意外,我應該99%會接受呢一個offer了!!!!至於聽日份工呢,人工合理,車費又少一半,仲係permanent offer,但project係對內,雖然係under technology department,但我實際唔使掂programming,所以工作性質應該似admin/research!!如果我未來呢幾日證實到份工真係一d都唔time demanding,無疑係一份穩穩定定,平平安安o既好工,不過...平安穩定o既程度可唔可以勝過前者就真係要睇未來呢幾日喇!!!
如無意外,搵工o既辛苦路似乎暫時到達終點喇,好多謝我個幕後軍師CLok同埋Mini Person迷你人,前者俾o左唔少好有用o既意見幫我改善CV,後者就教我想o係usability analysis o既方向發展應做o既準備同注意o既事,你o地o既分析同意見都幫到我唔少呢!!!!!最後仲要多謝早一個月前俾我reject o左o個份工,唔係呢份工,我都唔能夠咁清錯咁確定自己事業o既發展方向呢!!!!最後當然仲要多謝Menu, CLok (Again)同仙廸,我深深Feel到你o地比我仲要肉緊我搵工o既事呢,哈哈!!!!!今次,我要作出一個明智o既決定,唔會令大家失望同擔心!!!!!
好多謝你多謝我呀~~~希望係一份好工又學到野~~~大家的事業路都特別崎嶇呢.
回覆刪除互勉.
等你confirm實先多謝我都唔遲... 咁那份contract工要唔要先簽約? 幾時返工? anyway，聽日總算係一個新開始，祝成功!
回覆刪除恭喜你呀！嗯，係一個新的開始，唔知你幾時番工呢！
回覆刪除恭喜晒!
回覆刪除恭喜恭喜!!
回覆刪除多謝大家呀!!今次番工同之前感覺唔同呢,可能因為自己唔使讀書,感覺好似專心同認真過以前,希望自己可以好快咁適應上班o既生活啦!!!
回覆刪除Congrats! 希望你呢份工開開心心, 人工俾唔夠的話, 做得開心就更重要. 其實想專心做 Usability, 長遠而言, 在香港發展真係好有限. 最好不時提醒自己, 要學多一兩樣專長旁身. 加上, 即使唔講 Usability, 本地o既職位種類其實唔多. 之前在我 blog 跟 blog 友 alonetbc 討論過, 我o地都唔睇好香港o既科技相關行業, 因為工作機會北移, 香港 IT 業人工o既 trend 係有減無增. 有報章報導指出, 未來 5 年內 (我認為係 2-3 年內, 因為不能睇小 2008 年奧運對中國o既助力), 香港要面對日益嚴重o既人材外流問題, 大部份精英人馬會選擇北上大陸, 因為內地發展機會更吸引. 我自己來講, 一係就要 plan 下點樣離開香港, 一係就為留香港生活而轉行. 唉...... 無奈, 現實是殘酷的!
回覆刪除我都認同呀,其實我都明白usability係香港的確唔太受重視,重視o既公司又多數係online marketing/advertising firm,佢o地o個種壓力同通宵工作能力我都領教過喇,真係要有無比堅定o既意志同熱誠先捱得住...除呢d公司外,就算有公司有意放資源,但佢o地都係先鋒部隊,好似我呢d年資淺o既,o係無專業訓練下只有好似盲頭烏蠅咁亂試...到頭o黎轉工時可能都只能原地踏步!!!!學你所講,為o左自己有一技專長旁身,我之前都集中apply 同電腦(programming)有密切關係o既工,難得而家有一份相關工作,仲要係大公司,我諗為係一個幾好o既學習機會,所以,o係你提到o既殘酷選擇中,我選擇o左後者,風險似終無咁大!!!
回覆刪除我都認同呀,其實我都明白usability係香港的確唔太受重視,重視o既公司又多數係online marketing/advertising firm,佢o地o個種壓力同通宵工作能力我都領教過喇,真係要有無比堅定o既意志同熱誠先捱得住...!!! 除呢d公司外,就算有公司有意放資源,但佢o地都係先鋒部隊,好似我呢d年資淺o既,o係無專業訓練下只有好似盲頭烏蠅咁亂試...到頭o黎轉工時可能都只能原地踏步!!!! 學你所講,為o左自己有一技專長旁身,我之前都集中apply 同電腦(programming)有密切關係o既工,難得而家有一份相關工作,仲要係大公司,我諗為係一個幾好o既學習機會,所以,o係你提到o既殘酷選擇中,我選擇o左後者,風險似終無咁大!!!
回覆刪除同意, 香港公司多數唔會放資源o係 Usability 方面, sales oriented o既職位, 會比較安穩, 但興趣都好重要, 我亦自問唔係做 sales and marketing 或者 advertising o既人. 其實公司大細唔緊要, 自己跟公司o既 expectation 有幾 match, 先係重點. 大有大做, 細有細做. 大公司多o的 training, 可以見識上司點做事, 自己亦可以尊注於某一個範疇; 細公司就多o的機會嘗試唔同工作範疇, 即使係細, 都有可能會臥虎藏龍的. 既然決定o左, 都值得高興, 因為安頓o左的話, 可以再一步一步去計劃點樣增值. By the way, 今天我分享了兩篇有關韓國的美食, 有興趣可以來看看: 韓國美食 ~ 沙灘邊, 吃海鮮! (1) 多幅照片, 2 個 video 韓國美食 ~ 沙灘邊, 吃海鮮! (2) 多幅照片 現在我 blog 的韓國 stuff 跟其他外國 stuff 都混在一起了, 因為遲些要把一些真人真事改編為一個故事 (maybe 勵志的), 所以近來重整了網誌的分類.
回覆刪除