上班下班睇迷你電視!

開始上班一族o既生活,每天上班下班睡覺,跟本唔得閒做其他o野,生活的確無之前失業時多姿多采,連日記都忽然唔知寫咩好!!!唯有寫o下我呢個電視迷睇完o既劇集啦!!

一年前未失業我已經養成o左番工放工利用手機睇片消磨遙遠o既上班路程!!買o左新機又有得番工後,呢個2.9寸Mon終於可以大派用場!!!我o岩o岩就睇完深田恭子o既"富豪刑事1"!!!我覺得"富豪刑事2"好似好睇d,因為誇張好多,更加"富豪",不過2入面o既kyoko就肥d!!!

http://www.tv-asahi.co.jp/fugoh1/

今日開始睇"一公升眼淚",講一個女仔患o左小腦萎縮症,慢慢失去協調身體活動同平衡o既能力,成個病最痛苦呢個病唔影響大腦思想,雖然想說想做,但就無能為力,仲要十分清醒咁知道自己o既無能為力...真係一種好殘酷o既病!!!第一集已經覺得個女主角好可憐,但睇到片尾見到患有此病o既真人相片就更加覺得心痛呢!!!睇完可能真係會喊出"一公升眼淚"呢!!

http://www.fujitv.co.jp/tears/index2.html