新一年開始!!

1/1

新年伊始,當然希望事事順利,點知我呢個2010年開得始乎唔太靚...haha,放心,唔係講緊我個新髮型(我已經睇慣o左自己個新look喇!),而係我今日開始作傷風, 喉嚨痛兼多鼻水!!

今日我同老公子又懶人病發作,所以又無出街喇,上o左我爸屋企打Wii,夜晚食完飯就番屋企睇叱吒,不過無咩歌聽,我夾硬邊訓邊'聽'電視先捱晒個節目!!

========================================================

2/1

今日好充實!!一早約o左大學同學去熟食中心食lunch,席間Agnes派佢o既邀請上呢,新年剛開始就有兩個好朋友出嫁,真係囍事重重呀!!

食完飯之後就去attend好朋友May o既Ceremony!!今次已經係我第3次attend Christian o既Ceremony喇,次次感覺都好唔一樣!!!今日新郎哥仲先後演唱o左兩首自己作o既歌送俾新娘子,第一首歌開首係新郎哥獨唱(之後有詩歌班合唱!),我睇到阿May好感覺連自己都感動到眼濕濕呢!!

新郎哥自彈自唱!!

另外,呢個ceremony仲有個好特別o既地方,就係新奶奶原來唱開粵曲,所以同佢班粵曲組獻唱o左一首"鸞鳳譜"俾一對新人,真係好特別呢!!

觀完禮,怱怱會合中學同學出另一個中學同學屋企度玩Wii,haha,估唔到一係唔講,一玩就連續兩日玩,不過今日可以4個人齊打真係好玩好多,笑到停唔到!!打下打下不知不覺八點幾,食埋飯番到屋企成11點lu, 今日仲病過尋日,可想而知我其實有好支力呢!!

=========================================================

3/1

今日繼續忙!!老公子一早出去踼波我就留o係屋企做家務,下午2點會合奶奶一家去飲下午茶,之後仲陪o左奶奶行o左一陣商場睇sofa!

o係超巿買完o野後番屋企,點知先發現唔記得將填o左o既10張抽獎券放入商場收集商,結果老公子沖完涼我地又趕頭趕命行番出巿中心...最後o係6點半上到E車!!

去到機場,唉...無o左員工證後覺得自己o係T2食o野好似好唔抵咁...眼見一個越南粉餐街外人$54員工只係$39,但我偏偏無得響用,真係激死人,老公子都話早知就早一星期出去睇戲啦!!

巨型銀幕!

開場前,第一行側邊位都坐滿人lu!!

入場睇戲喇!!我o地睇o既係機場4D超立體影院最夜一場(8點45分)阿凡達,但竟然全場爆滿,呢套戲認真勁!!睇完我同老公子都覺得好好睇,雖然坐E車番到屋企已經深夜1點,但套戲好睇,機場呢度票價唔算貴,而且仲係4D (有煙,有泡泡同風效!),我o地都覺得幾值得o既!!

P.S. 三日咁忙咁夜訓...所以病況持續...