夜宴

一星期有多無見過honey,襯佢係HK所以約食晚飯見一見!!臨放工前收到中大同學Alon電話,原來佢有"夜宴"免費飛,見今日難得同Honey食飯,順道去睇埋戲拍o下拖都好呢!!

由於張飛係七點半,所以我o地無時間食o野就要趕入場!!套戲成兩個鐘多d,餓親honey呢!!!睇完戲去醫肚,由於溝通上出現誤會,我以為honey肯陪我食粉麵,點知原來佢勁唔想食o架!!!結果搞到佢今餐食得好唔自在添...似乎Honey要食餐'夜宴'先滿足呢!!!

講番套戲,我覺得中規中距啦,(免費先會去睇!)故事都係講謀朝篡位,太子復仇呢d大路故事!!!節奏頗慢,但都唔算悶,因為畫面同宮廷景拍得好靚!!!套戲比我想像中血腥...點形容好呢,殺人自殺等流血場面頗多,而且全部用慢鏡捕足咁滯,不過襯托住溫婉o既慢歌,營造出血腥唯美o既感覺,感覺幾特別!!另外,片中o既御林軍全副武裝好似星戰o既黑武士, 太子帶面具跳舞好詭異,有d似"千與千尋"!!!

至於主角,個人覺得周迅出場雖然唔太多,但比章子怡做得好...最唔鍾意就係吳彥袓做太子,硬係覺得佢似鬼佬,同埋唔鍾意佢個成日'尖'起o既細咀...黃曉明都係做得普普通通,睇見佢個樣禁不住諗起'過兒'...

夜宴官網:

http://www.thebanquetthemovie.com/