我與草蜢的回憶

喜歡草蜢,應該是我未入小學的事!!!

還記得有一次下午的時候,電視直播著草蜢於某show中o既表演,但我媽媽就正係呢個時候迫我去沖涼,推我入廁所,結果我就喊喇!!呢段記憶到而家仲好有印像,亦可能係我認知到自己喜歡佢o地o既一刻!!!

由於年紀太小,所以喜歡o既歌都係快歌!!!《又愛又恨》、《三分鐘放縱》、《朋友》、《寶貝對不起》、《忘情森巴舞》應該係我較早認識o既快歌吧!!!

小學時期,我記得朋友們會問我喜歡邊個明星,我亦曾經答過喜歡草蜢,但可能太冷門吧,記得那年代,Beyond的確比草蜢受歡迎,所以我後來每被問到有否偶像時,我都只答"沒有"!!!!雖然係咁,但我當年草蜢每次係勁歌頒獎禮奪金時,我都會很高興呢!!!!!所以知道我喜歡草蜢o既朋友只有幾個,最清楚我喜歡草蜢o既可能只有我家人,特別係我妹吧!!!!

(中、左、右)阿智正開始流長髮呢!!!

小小年紀,喜歡偶像的方式可能只有在電視播放偶像表演時坐定定睇吧!!!那年代應該仲係出碟賣cassette帶的年代,小小年紀何來那麼多錢買o黎聽,所以我並非草蜢所有歌都認識!!!記得大約小五六吧,那年代很流行閃卡,一位知道我喜歡草蜢的朋友有一些唔要o既,於是俾o左當時無扭閃卡o既我!!!當中有三張係草蜢,我一直珍藏到而家!!!而下面呢一張係我第一、亦係唯一一張Poster,我都唔多記得係自己買定係朋友俾,時間應該亦係小五六吧,呢張Poster我收藏得好好,只有左上方變了點色!!!呢幾張閃卡同Poster都算係見證我多年來喜歡草蜢的小小證明吧!!!

入o左中學,草蜢自《嗲噢!》後便開始走成熟路線,《怎麼天生不是女人》相信大家都有深刻印像!!後期佢o地越來越少歌,較專注東南亞事場而較少在港表演,拆伙o既傳言亦越傳越烈,每次從報紙看到他們堅定否認拆伙時我才能安心!!!雖然少見了舞台上三為一體o既草蜢,但漸見阿細開始拍劇,阿智傑仔發揮才華作曲填詞,我還是很高興的!!!早幾年傑仔獨自在台灣出碟我都有留意,雖然我較喜歡傑仔(相信大部份人也一樣吧!),但我還是很"渴"三人再一起站在舞台o既一刻,因為喜歡草蜢的人,最喜歡的便是他們三為一體o既感覺!!!!

記得十五、二十週年演唱會我都想去,但無奈我無睇過演唱會,唔識買飛亦搵唔到人陪我睇,所以錯過了!!特別後悔錯過了上年嬴盡口碑的演出,真想時光倒流讓我能置身其中!!!!今年,我終於能與加莉呢位草蜢迷一齊睇Show真係好開心!!!那麼多年了,終於第一次睇草蜢演唱佰,當我現場投入三為一體o既表演中,特別聽到《永遠愛著你》的獨白時,我真係感動極了,真想不到任何形容詞來形容自己o既心情呢!!!

P.S.尋晚訓前不斷諗住演唱會片段,兩點幾先訓得著...今朝八點幾醒o左又不斷回憶起尋晚o既片段,實在太興奮,結果訓唔番!!!訓得太少,尋晚又狂叫狂跳,今日喉沙手支力腳支力超眼訓呢!哈!!