今日係我爸媽結婚二十五週年紀念,亦即係銀婚之日,爸媽星期日已經約定我o地三姊弟記得番屋企食飯,點知我妹今日竟然唔記得o左!!!結果當然係我爸媽特登買同準備o既蛋榚乳鴿大蝦統統都食唔晒啦,食唔晒事少,但我睇得出我媽唔係太開心我妹咁無心裝載 (其實身為屋企大家姐o既我都唔係太有心肝,我都係放工時先醒起今日呢個特別日子...)!!!
另外,我媽今日得知一名壞女孩鄰居雖然中五畢業,但讀完一年職訓後都入到poly,於是佢更加介懷我妹的不長進、不生性...唉...睇見爸媽係今日呢個大日子因為擔心我妹的種種事而未能笑開懷,我都有唔開心...!!!雖則我爸媽的確有點思想守舊,開口埋口只懂講學歷而從未嘗試以我妹的角度思考問題,但我妹咁大個人(佢細我年半,但成日仲以為自己係中學生囉~!),不講讀書不講學歷也罷,我諗只要佢識好好為自己將來打算,至少爸媽也不用這麼操心吧!!!!!
銀婚紀念了,二十五個年頭佔了二十二年有多是不斷為著我們三姊弟而過活的!!!爸媽頭上的銀絲正反映著他們多年來為我們付出的辛勞!!現在是我們三姊弟長大成人,好好報答爸媽的時候了,希望我妹快點生性,懂得盡點孝心,不要再令爸媽操勞吧!!!!
...爸媽,希望你o地放開一點心情,好好渡過今日呢個特別日子,祝你們銀婚快樂,我會努力令你們將來笑開懷的!!!
我爸媽的結婚紀念日我好記得架, 因為係tvb台慶呢, 細個時我地通常都會在那天打邊爐, 一邊睇電視, 一邊慶祝(紀念日/台慶), 而家都會咁做架!
回覆刪除原來你爸媽同我爸媽一樣,都會同家人每年慶祝週年紀念呢,以我所知,應該唔係太多家庭會慶祝呢一日呢!!!!
回覆刪除喂~~~~~~ 我爸媽都係TVB台慶呀...講起原來佢地今年都係25 周年..但我諗佢地無咁的情趣慶祝 -_-||
回覆刪除又會咁'橋'o既你o地,menu,既然係銀婚,不如你俾d驚喜你爸媽啦(買粒朱古力!!!),又或者提示o下佢o地,可能佢o地都會好好咁慶祝o下難得o既銀婚!!!!!
回覆刪除我爸媽竟說不記得邊日，只記得邊個月呢﹗
回覆刪除monchhichi,係咪有結婚證書o架??(其實我都唔知有無!),睇番咪知囉???!!!!
回覆刪除