九點半o係火炭集合,由於今日成個Tech Team 2nd Batch八十人一齊去參觀,所以o係火車站等o左都幾耐,但最終得四十幾人出席咋!!之後行去會場,行o左十個景點,有聲稱數一數二o既室內場館同馬診所(遠眺only!),仲有主場館、運動員同VIP飯堂、傳媒中心、印出比賽第一手結果o既Printing Room、高度解嚴o既奧運'CEO/ja fit人'工作房同埋我o地Tech Team主要o既集合房,其間仲遇到有傳媒參觀,見到傳媒都有影過o黎呢邊呀,哈哈!!!(最衰我無帶相機啦,因為場地仲係under construction o架,影到興建中場館o既相係好難得o架,無得share相俾大家睇添!!!!)
參觀完後我o地坐o係運動員飯堂集合Q&A,之後1st batch volunteer叫了我同另兩個group leader出去,話俾我o地知我o地比賽其間將會負責咩工作(仲有未夠一個月就test event,今日我有幸係group leader所以可以早少少知自己做乜,似乎七月尾training都應該會咁頻繁喇,唔係八月個test event肯定好亂!!!),而且仲叫我o地分清楚我o地現有二十多人o既係'contact group'同第二時分八team o係比賽其間做o野係唔同o既,簡單個,我呢個leader o既工作就係'打電話'make sure自己組員收到重要訊息!!!
其實由於安排欠妥當(唉,咪就係last minute通知改集合地點,assume人無時無刻check email同交代唔清唔楚呢類問題囉...),我前日同尋日都有自動自覺不斷打俾teammate o架喇(尋日收到電話話改地點,但又無叫我通知人,搞到我以為1st batch volunteer會打晒咁多人,好彩我後尾知原來得我收到電話,如果唔係一定好多人去錯地點...),不過都唔係白辛苦,我呢組今日o既出席人數比其他組比率似乎係最高呢(二十人有十五人出席呀!!)!!
由於有d volunteer未入組,1st batch volunteer於是馮係女仔就俾我組,哈哈,好搞笑呢,好似收'o靚'咁,而家成組二十四人喇,雖然有人無出席,但今日咁多組,我呢組明顯地最人強馬壯呢!!!!另外,我組一個同我比較friend o既女仔話,佢襯我同1st batch volunteer 傾o野時猛同第二組推介我呢個leader呢,因為四組中有一個leader無o左影,成組人無主孤魂咁好慘...
其實讀書至今我都係班中/同事中最細,第一次做leader咋,第一次責任'重'o左,點都要有交帶d呢,估唔到大家咁賞面,好開心呢,估唔到做'打電話/打雜義工'都可以咁有滿足感喎!!!!!雖然分埋八組做o野後我呢個contact組相對可能無咁重要,但希望我可以盡力做好d,令組員有歸屬感d,最好就搞番一兩餐成功o既飯局啦,話晒,認識新朋友都係做義工一樣好valuable o既事呢!!!
至於我o既工作,竟然係幸運地分o左去負責Printing Room,可以坐冷氣房欣賞主場館全景,跟住奧馬公司o既Sui Ling,佢上次hold o個Tech Training hold得好好,咩都交帶得好清楚,個個都大讚,希望我可以學到o野!!!.....而且....哈哈哈,之前training都有講,Printing Room係一個好重要o既地方,比賽結果會o係呢度print出o黎交俾傳媒,亦即係話我有機會可以拎住熱辣辣o既比賽結果,比全世界更早得知結果呢,希望係真o架啦,真係好興奮呢!!!
==============================================
好驚喜,今日新入我組o既其中一人竟然就係o係我apply job 間銀行做peoplesoft,不過就唔係IT,而係HR入面寫tech spec o既,仲係manager grade添,佢知我都係同行都有問我要CV,我要好好把握機會先得!!!
驚喜的第二步...希望呢步能令我更快到達終點啦!!!
good luck to you!
回覆刪除真係好好彩呢! 呢個義工令你識得更多同行的人!!
回覆刪除把握機會呀!
回覆刪除好好玩呀﹗希望你快到終點啦﹗
回覆刪除今日仲未收到消息呢,好心急!!!! 多謝各位祝福呀!!
回覆刪除