CWB

晨早去完奧運馬術義工training後會合honey去CWB行街,主要目的係帶我honey去食上星期同同事食過覺得幾抵o既salad buffet同行sogo 睇o下用唔用到d coupon掃o下減價貨!!!!

點半食buffet,今次無第一次食咁正,但以呢個價錢o係Times Square食buffet算好抵,而且salad buffet係有pizza, tunna salad,dessert(格仔餅係最受歡迎的!!一出就俾人掃晒,成日要等先有!)同生果,款式算多,味道亦唔錯,夠清新,連我honey都食到好飽,但佢話如果個餐湯都有得任添就仲抵(因為個餐湯最好味,落足料呢!),哈哈!!!

食完後由TS十二樓續層行,好多地方大減價呢,行到zara時都想出手o架,但最後忍手,都係去sogo先買啦!!!我o地睇o下notebook睇o下衫,竟然好快就好眼訓喎,唔通d buffet太飽肚?都係快快剎去sogo shopping先,費事行到無心機,哈哈!!

去到sogo好多人呀,又係周圍都大減價,續間續間睇不知不覺又行o左好耐(雖然都係眼訓住咁行!!),最後我同班師奶小姐係電梯口'搶'衫,哈哈,又真係幾平o既,$100唔使,我仲要用埋coupon,一蚊都唔使出,哈哈!!yeah!!而honey都有收獲,仲用盡coupon呢!!honey試衫其間還撞到三個年青人,大約十八o卦,個女o既隻手錶好靚,一睇就知貴o野(恕我唔識咩名牌子...),之後再細心望,原來個女同佢BF成身名牌o架,買衫好似唔使睇價錢咁,而跟住佢o地o個個就樸素少少,成個跟班...'呢d就係有錢人了'...我不禁不斷打量佢o地呢!!!

Shopping完去榮記食粉先走,今日真係好熱呀,番到屋企我媽話我知先知原來今日係入夏以o黎最熱喎...唔怪得啦!!!