散

呢兩日難得悠閒,久違了呢...不過坐o左新office後我個位太開揚,想做自己o野成日要就住就住,都幾唔自在,不過尋日成個下午office得番d細o既,我直頭用同事account上網都唔怕,仲上網上到悶添,好難得!!!

尋晚online同做義工識的銀行HR manager chat,了解多了,不過我亦知道想因此得到捷徑入銀行是沒可能的,因為佢係functional那邊,我想做的是technical!!!

今日office仍然充滿庸懶o既感覺,因為office將遭遇巨變!!!

原本九人一team,但自從上個月一位做system admin o既女同事走後,連鎖反應一發不可收拾,因為無人所pick up system admin o既麻煩工作!!!早前我已提過一位男同事resign了,將到一間銀行工作,尋日我終於知道該銀行正是我朋友refer我的那間,似乎空缺已被fill up了,難怪apply了一星期還未有任何電話!!!

今日,另外兩同事resign了,正確點說,pick up了system admin、除我外僅餘的女同事resign,另一位男同事是contract end!!!!!早就知道這公司習慣唔到最後一刻唔傾contract,結果呢位男同事下星期一contract last day,今日老細先搵佢傾,點知傾唔掂數,男同事要求的公司滿足不了,於是,跟據contract,星期一便是last day,變相一日通知就可離職,公司損失都應該幾慘重!!!

九人team一下子只剩下五人,架構變成1 manager,2 senior system analyst, 1 associate system analyst及1個developer,很奇怪的倒三角架構,我一個developer夠竟能做到幾多development呢???

現在的我變得孤立無援似的...唉...

我的contract比男同事遲一星期完結,直到尋日為止,老細還未同我傾contract事宜,男同事爭取不了合理回報,於是細聲走來問候我的情況,著我可以要求大幅加薪,我也被他的建議嚇了一跳,因為我一向不擅bargaining,他的建議對我來說很有參考價真,因為他從事此行已六七年了,他俾我更清楚我自己在巿場上的價值,他不想我得到不合理的待遇!!!!

夜晚上網,一online兩位男同事便MSN我,一位男同事透露公司將可能轉我做perm,另一位同事就問我要resume,等佢可以幫我send resume俾佢d做consultant 公司o既friend,等我可以in 完後知道自己值多少o黎同公司傾contract,bargain最好回報!!!!兩位同事出發點都是為我好,其實一直以o黎成team人都好鍚我呢個'小妹妹',不過透露甜頭俾我知的,一向同老細好熟,我知佢目的最終都係唔想再發生好似今日"一日通知離職"o既事件,而且我再走,公司真係無人做o野,問題都幾嚴重!!(亦可想而知我留的話,工作有多辛苦!!)

事實上,我打算出面有機會我一定in,有點渣拿同公司bargain點都係好事,而事實上,除銀行的offer外,consultant公司的offer我的確不打算效慮,除非offer很吸引,而我公司的offer實在比不上/不合理!!!!其實只要公司開出較合理的條件,我大多數會留低!!!!亂又好少人又好,有時未嘗唔係學o野o既最好時機!!!!只係面對成team人各散東西,少了那麼多幫助過我的好同事,未免有點難過...

真的真的很感謝同事們對我o既關心,就算refer我的同事都估我多數會續contract佢都不介意refer我去interview,遇上咁多貴人(當然包括義工HR manager),亦真算不幸中的大幸!!

下星期可能出現我career path裡的轉捩點,請大家祝褔我吧!!!

(嗚...下星期honey不在我身邊,無人做我軍師聽我訴說每天最新情況呀,點解咁重要o既時刻你唔係我身邊呀...嗚...)