搬

尋日開始pack o野,因為我要搬office喇!!!由潛建o既二十一樓搬落剛裝修好o既十四樓,今日仲第一次落去睇'示範單位',地方都幾大呀,而且之後成間房都係自己team人,唔使同第二team share,全部熟人自己人,感覺應該free好多呢!!!

至於我張台呢,都唔係想像中對得咁正大門,咁都好d啦,無咁似'守門口'!!而且,我再唔使同人share partition,有自己一張L形台,好大呀,不過我無乜私人物品喎,到時張台咪好'吉'囉!!!哈哈!!

三點幾,神早執晒自己o野,條team o既箱又pack得七七八八,自己手頭上又無乜o野跟,拎住膠紙骹剪周圍問同事有乜可以幫手,但同事們都未有o野要幫,仲笑我知道無o野幫好似好失望咁...

...點知...四點幾忽然老細急call話上兩星期忙開個project忽然又有o野改/加,又係勁趕o既...噢...於是我又要埋頭苦幹,最幾日話我知遞了信的同事忽然見我咁忙,走埋o黎問咩事,佢聽後衝口而出'唉,又係咁...其實老細可以say no o架嘛!!!'

...諗深一層,又的確係o既,朝早先同人講個project終於close得,下午又忽然改/加o野...乜成個project唔係user同tech team o既人傾好晒要乜先做o既咩?咁樣邊做邊改真係好有問題,乜user一開始唔知自己想要乜o架?做做o下先知呢樣要o個樣要??tech team又唔識提醒user注意乜,又唔夠strong企硬close project後唔使跟手尾(我想強調user絕對可以人手solve o既,只係被寵壞,依賴了program,於是死話要改!!!),結果program一改再改,好似而家咁沒完沒了...苦了我這個developer(識programming o既可能知道所謂'改少少o野',對於一個program o黎講,改動可以好多,而且亦要重頭再test過d data)...唉...

是日我rush到六點幾七點,星期一再衝,走時撞到一個晨早走o左o左同事,佢仲問我'你而家先走???'...'係呀...'...

=====================================================

朋友通知我,話銀行收到我o既referral application喇,um...第一步!努力!