現實版新娘愛鬥大(Bride Wars)!!

近排好多blog友都睇o左呢套戲,我都唔執輸,星期日晚約o左同我一樣係6月新娘o既老友記^.^一齊睇!!

http://www.bridewars.com/

無錯,我同^.^同戲中主角一樣,係老友記之餘亦係今年o既June Bride!!(最正係戲中主角婚期本來係6月6同27號,剛巧^.^就係6月6號出嫁,如果戲入面另一個日子係20號而唔係27號就仲正,咁就跟我同^.^一模一樣!)

所以,我夠膽講,我可能比大家都更想睇呢套戲!!

o係兩位六月新娘大鬥法下,套戲眨下眼就完,老實講,如果我係普通觀眾,套戲輕輕鬆鬆係幾好睇o既!!但作為準新娘,還要跟戲中主角一樣與老友一起在六月出嫁,我覺得套戲無想像中咁好睇!!

作為準新娘,我以為套戲會俾我睇到好多wedding details同搞wedding o既過程,但套戲唔太多呢方面,成套戲都係得兩三件婚紗,我覺得好'唔夠喉'!!

作為跟戲中主角一樣,同老友一齊六月出嫁,我共鳴感竟然無想像中大,所以有點失望!!!

不過,哈哈,我知道,共鳴感無咁大其實係好事!!因為咁就證明我同^.^無因為婚期接近而好似劇中主角咁打餐死,可以和平共處!!

不過,話完全無共鳴就假o既!!我都係普通女仔,同老友婚期咁近,話個心'無o野'就真係搵鬼信,哈!!

一年前差唔多呢個時候吧,我同^.^陪當時就快嫁人o既老友final fitting,大家不約而同表示計劃09年中結婚,當時我已經訂o左酒席,婚期鐵定為6月20號,至於^.^當時還在起步階段,理想婚期本來係五月中!最後,由於^.^喜歡的婚宴場地已經沒有五月週末檔期,佢o地婚期最後定為6月6號!

起初,我的的確確有點不滿,因為婚期未免太近...相差兩星期呢,還要比我早!!最先想到有影響o既就係姊妹人選,因為我o地擁有同一班好姊妹呢,而且,中國傳統上同一個月出嫁的不應該去對方婚宴,因為怕相沖,那我應該去還是不去^.^的婚宴呢??

當時,我真係覺得^.^的決定影響到我o架,但我又可以點呢?點點不滿一直埋在心底,因為我唔想講出o黎會破壞感情,而且^.^婚期都定下來了,唔通我走去反對嗎?不,就算佢未定婚期,我都根本無資格去俾意見左右佢同^_____^的決定呀!!

好彩,後來我想通o左,唔通我決定結婚先,就有權霸晒我婚期前後一個月所有日子,唔俾任何姊妹朋友o係呢段日子結婚嗎,咁咪即係到我影響人?唔通我拍拖十週年就好有紀念性,婚期就大條道理唔讓得,人o地結婚o既日子就無我咁有紀念性,可以隨時改日子?

就係咁,我好快想通o左,接受o左^.^呢個大日子!!

隨住大家開始四出去婚紗展搵婚攝、買餅卡、試婚紗...我開始發覺,婚期近又有婚期近o既好處呀!!有時,比起'疑似'被迫聽我'分享'o既honey,同^.^一齊研究分享有時真係仲開心仲果癮!!而且,婚期咁近,我同^.^仲可以盡情發揮準新娘慳家本領,拍住上一齊join租衫,比其他人fight多點著數,我識人買西餅卡有折時^.^又識人買唐餅卡有折,都真係方便唔少!!

另外,仲有一樣更重要o既,就係我同^.^ o既喜好不大相同,唔似Bride Wars入面兩位主角咁,喜歡同一個婚宴場地同一套婚紗!衝突無咁大,我同^.^自不然可以和平共處啦,哈哈!(所以我話對套戲共鳴無想像中咁大!)

不過,一年後的今天,有時有d wedding idea我仲係唔知講唔講俾^.^知o架,唔講又怕大家相撞(其實呢個程況真係出現過,就係我都有考慮過用^.^選o既某色做姊妹裙顏色!),婚期咁近又有一班common friend,我當然唔想兩個wedding太相似啦,但講又怕^.^又會喜歡,自私o既心理當然又唔想^.^跟我做一樣o既o野啦,講俾^.^希望佢'識做'當然可以,但如果佢真係喜歡而只係為o左我而唔做又好似唔太好,有時仲係好矛盾!!(暫時處理方法都係唔主動提,佢問到我先講!)

Anyway,現實版June Bride o既我同^.^睇完Bride Wars後一齊食飯,我話俾^.^知,其實我知道大家婚期咁近後有樣o野一直好想同佢一齊做,就係一齊婚紗相,但因為大家各自影o左而唔知仲有無機會!!^.^即刻讚成話佢都好想影番輯,仲即刻諗方法完成呢個task添!!雖然大家婚期開始接近,但相信事在人為,抽一日影番輯相應該無問題o既,希望我o地真係可以影番輯靚靚o既June Bride相啦!!!

最後,送上我玩o野之作...《新娘愛鬥大真人版》,見笑喇~~~哈哈!!

我老友^.^ o既blog: ^.^ & ^____^
佢寫o左封信俾我(Bride wars後感︰給好姐妹的信),睇到我好感動,多謝你!!能夠同你一同成為幸福的六月新娘,呢d除o左係我o地各自同另一半o既緣份外,亦係我同你之間o既緣份呢!!

補充資料:

June bride（六月新娘）:西方有句諺語："Marry in June --Good to the man and happy to the maid". June bride中的June是由Juno轉化而來,羅馬神話中Juno是天帝Jupiter之妻,是婚姻與家庭的保護神,負責掌管女性、母性及婚姻(the goddess of womanhood, of marriage and of maternity)，集美貌、溫柔、慈愛於一身，她也是相當於希腊神話裡天帝宙斯(Zeus)之妻希拉(Hera)。在西方的習俗裡,六月是最適合結婚的季節,六月的新娘會得到幸運和祝福，成為最幸福的新娘。

Ref: http://zh.wikipedia.org/wiki/%E5%85%AD%E6%9C%88%E6%96%B0%E5%A8%98