想當初,未開始排版前要先搵印相簿o既公司(因為要知道排版o既resolution!),搵過唔少網頁,見過令我一見傾心的...
Src: http://www.donadavis.com/store5/html/images/Superior10x10.jpg
黑色真皮相冊,質感細緻,感覺典雅!
...可惜,經過一輪資料搜隻,於外國公司訂造皮封面相冊o既代價竟要接近三千大元!!
外國貨貴,國貨呢?上網搵搵搵,大陸或香港o既皮相冊都只係仿皮,沒有真皮,就算真係有,我估價值亦不菲,加上,不少已婚人士都忠告,話本結婚相簿婚後大多埋在床下底,所以我最後都係放棄o左整真皮相冊o既念頭...(如果有人整真皮相冊,記住分享呀,我真係好想見識一下有幾靚呀!)!!
唔造皮相冊,可以造外國好common o既booklet式相冊呀,即係miss cocoa bean o個d,快圖美都有得整,幾百蚊搞掂,整出o黎亦感覺西化點,modern點!!不過,考慮到結婚當日好多人會掀本相簿,d頁咁薄我怕好快被人整污漕或摺縐,所以無考慮!
Src: http://vipgiftclub.com/images/photobook.jpg
最後,我係ESDLife入面搵到有個JM話二百幾蚊整到一本相簿,好平呀,合乎我知慳識儉o既原則!!一問之下,竟然係o係大陸淘寶網上面造o既!其實我之前搵真皮相冊時都見到淘寶網造相冊o既公司的確好平,但自己從來未試過網上購物,唔敢去試,而家發現有JM試過,仲話質素OK,於是就決定一試!
終於,兩本相冊都到手,雖然第一本o既內頁位於邊位o既文字被cut走一半,大相簿的內頁次序亦亂了幾版,但質素還是可以的!!如果你同我一樣,做好婚紗相冊於婚後會埋在床下底o既心理準備,不用五百元便造好一本大相冊更加會覺得物超所值!!
當然,透過網上訂造相冊亦有唔少事項要注意:
- 問清楚價錢,好似多過十跨頁點計,用PVC料造內頁使唔使加錢之類!
- 了解相冊種類,最基本有封面質料,好似水晶面,雜誌面,皮面等,相簿尺寸,內頁用料及顏色(黑白),仲有不同燙邊款式等等!
- 問清楚設計所需resolution,提交的檔案format及設定!
- 問清楚起貨時間!
- 設計時最好避免講求對稱的設計,重要人物或設計不要放於近頁邊一至兩厘米內,因為裁相簿的工人不會檢視相簿內頁,一cut便可能cut走位於邊沿o既設計!
- 建議用PVC做內頁,因為質料輕亦較薄身!成本相冊用PVC造內頁只係要加約10-15RMB,重量輕一點,運費無咁易超重要加錢,薄身又可以造多幾版,放多d相落相簿,唔使整多本咁煩,很化算!
希望以上意見幫到有興趣自己設計相簿o既準新娘,最後要忠告多句,由於數碼相於屏幕內顯示係有燈光效果,所以一定靚d,相簿整出o黎些微色差(通常會比電腦看暗一點,但其實不明顯的!)亦在所難免,敬請注意!!
而家就俾大家睇下我親手設計o既呢本大相簿啦!!
尺寸: 12" X 12", 共16跨頁, 放了一共51張相,相簿加運費共約HKD$480!
黑色PVC內頁唔燙邊!
黑色封面封底,本來想做水晶面o架,但水晶面太重,見上次mini-photobook封面質料OK,所以用番雜誌面,搏佢可以扮o下真皮相簿...不過都係扮唔成!哈哈!!
封底!不過對戒子唔多清楚咁!!
封底設計!
封底放o左結婚戒子,本相簿遲遲未拎去整原因之一就係要等呢對婚戒!之後又因為簽名布o既經驗,中途決定先造Our 10 Years mini-photobook做測試,結過大相簿由design到收到成品,足足多過半年,哈哈!!
第一版設計圖!
實物!
最尾一版設計圖!
實物!
第一版同最尾一版我都無放相,改為放字,而兩張相o既版面設計都有d首尾呼應o架,其餘唔公開住喇,留番d神秘感先,嘻!!
Reference:
Our 10 Years mini-photobook 整好喇!!
我於淘寶網上訂造相簿的賣家: 透明顏料工作室
在淘寶網登記購物的方法,可以參考海草BB~井井o既網誌: http://hk.myblog.yahoo.com/jw!uQP2cs6ZESjhlw0Cuvq.rHQ-/article?mid=9254
好得呀....我都開始攪啦.....不過仲未有方向.......only 抽起左邊d相咋......
回覆刪除[SkyBlue回覆02/03/2009 22:32:00]哈哈,睇你之前兄弟姊妹衫咁有創意就知你同你少爺係設計能手啦,期待你o既完成品呀!!!加油!!
幾好喎～
回覆刪除不過你設計得好啫
[SkyBlue回覆02/03/2009 22:34:00]多謝你呀~~~我都好鍾意呢本心血結晶呀,希望晚宴時睇o既賓客都覺得靚啦,hehe!
你好叻呀....整得好靚.......真係好有心思呀.......
回覆刪除[SkyBlue回覆02/05/2009 10:42:00]yeah,多謝你呀!!!可以留個紀念!!!
回覆刪除DIY / 自製結婚相薄,
價錢由$280起,
已包括相薄印刷, 包裝, 訂裝及香港速遞.
全部百份百本地製作, 信心保證!
詳情請瀏覽我們的網頁: www.photobookasia.com
排半年... 比豬一定一早放棄~~
回覆刪除你好抵讚呀~~
[SkyBlue回覆02/05/2009 10:43:00]其實真正排排o左個幾月o者,只係中間成日等呢樣o個樣...哈,所以好似搞極都搞唔完咁!!
講左咁耐,終於有得睇啦~~
回覆刪除[SkyBlue回覆02/05/2009 10:50:00]係呀,嘻,不過俾住少少大家睇先啦,等遲d朋友上o黎睇相簿時仲有d驚喜嘛!!
幾靚呀... 好有Style，唔會好似出面0個d standard 相簿咁..
回覆刪除我都好想整返本... 唔知仲趕唔趕得切
[SkyBlue回覆02/05/2009 10:54:00]係呀,自己設計得緊係想特別少少!!!如果你而家整...好睇你熟唔熟Photoshop同有無design 開呀,好似我就排o左好耐,晚晚放工排都排o左成個月先滿意!!不過熟o左手後我排mini photobook時就快好多,而且要求又少d,結果我排o左個幾星期就搞掂囉!!!!
你o黎緊仲有好多o野忙呀,所以如果你唔熟手,我覺得你不如留番wedding 後先整本big date相簿好過呢!!!!加油!!!
淨係頭第一頁同最尾個頁都覺得好正呀﹗你排版真係好叻﹗好想快d睇埋其餘個d呢~
回覆刪除[SkyBlue回覆02/05/2009 10:55:00]實有機會呀,等我間屋搞掂搞house warming時就有得睇o架喇!!!
好stylish呀~!!!同埋真係價廉物美~~十分多謝你的分享~
回覆刪除[SkyBlue回覆02/05/2009 10:56:00]嘻,多謝你呀,好鍾意'stylish'呢個形容辭...
希望幫到有興趣DIY相簿o既準新娘們啦!!!
勁正！好介紹呀！遲d我都整本先！
回覆刪除[SkyBlue回覆02/05/2009 10:58:00]好呀好呀,整完好有滿足感o架,不過就真係幾花時間囉,加油呀!!
新年快樂! 我地有香港各大婚紗影樓用的一體無縫相簿制作, 新年特價, 歡迎來搞. 快D入黎睇下啦... Seeweet Albums & Design www.seeweet.com
回覆刪除原來係咁, 謝謝你的講解, 等我研究下
回覆刪除500 蚊但個樣好 ok 喎!
回覆刪除[SkyBlue回覆02/19/2009 23:10:00]係呀,如果你有需要自己整相簿,要求又唔算太高,咁呢個都係好選擇呀!
尋日睇完無線, 講DIY立體相, 有冇諗過整返張?
回覆刪除[SkyBlue回覆02/24/2009 08:54:00]我無睇到喎~個立體效果係點o架?
整得真係好靚呀, 你真係有心機呀!
回覆刪除[SkyBlue回覆03/06/2009 21:51:00]多謝你呀,的確係落左唔少時間落去o架,都幾有滿足感,希望到時睇相簿o既賓客都鍾意啦!!
首尾呼應好呀，同埋最後個張相好岩"the end"既feel~
回覆刪除[SkyBlue回覆05/07/2009 16:36:00]多謝你呀,你形容得好好呀,真係好乎合'the end ' 呢,哈哈!!
十分多謝你的分享，我在某本地知名婚紗公司影完婚紗相後，發覺在他們公司訂購相簿的價錢非常貴（連影相加相簿加油畫約 2 萬港元），所以只買了相底。 卡 看完你的介紹後，我在 透明顏料工作室 訂了兩本大水晶相簿， 再加一本雜誌相簿。花了幾個月來排版，這是最長的過程，因你要清楚地告訴對方自己的要求。看過你的經驗後，我決定不加任何字體在相簿中，亦儘量把排版簡單化。剛剛收到相簿，效果非常好，雖然雜誌相簿有小量問題，但 透明顏料工作室 願意替我修改，所以我再訂了多一本。 再一次謝謝你！
回覆刪除[SkyBlue回覆10/22/2009 23:01:00]估唔到我o既網誌可以幫到你,我都好開心呀,網絡世界就係要透過分享互相幫忙嘛,加油!!!