發燒!

前晚發夢自己患o左咩上呼吸道XXX,仲不斷咳,結果尋日朝早起身個喉嚨真係好痕,成日係咁咳!!

夜晚約o左Karen同仙廸,Winnie食飯,行去食上海o野時開始feel到自己有少少腳軟,到夜晚十點幾坐巴士走時更加覺得周身骨痛好辛苦,都知道自己實係作病喇!!!

結果成晚沾寒沾凍,但呢幾日天氣又唔凍,kum住綿胎訓其實好焗,結果成晚又kum被又唔kum被訓極都訓唔著,近天光先hup番一陣!!!

由於我得no pay sick leave,所以我真係好唔想好唔想唔番,但耐何真係周身骨痛同唔夠訓眼光光,結果都係要sick leave...唉...

睇醫生探熱,99.6度,唔算太燒,不過真係周身骨痛得好勁,把聲都無埋,希望食d眼訓葯下午訓番覺起身會好d啦!!

P.S. 尋日食飯食糖水時我雖然已經聲沙,但仲係忍唔住口沫橫飛,希望唔好惹到班friend啦!!!