2009年2月1日 星期日

尋寶

今日去o左屋企附近一間賣d外國庭院擺設貨版o既舖仔尋寶(我唔係好識形容,間舖有好多西式feel鐵架、茶几、寶箱、花樽、掛勾、南瓜、公雞、青蛙、洋燭擺設等等賣,每件貨都各具特式,獨一無二得一件!MK近火車站對面好似都有間類似o既舖頭!),俾我搵到下面呢個燭台仔,綠色清清o地好o岩我wedding theme,放個透明杯仔係上面再放簽名筆應該唔錯,又或者可以放d紫色花花係中間,結完婚又可以放係屋企做擺設,唔錯唔錯,好鍾意!!




呢個擺設直徑大約16-18cm!


番到屋企媽咪拎住下面個襟花問我靚唔靚,um...ok啦,唔係特別靚但又唔係差咁囉,佢話$20唔算貴(其實我都唔知出面一個襟花幾錢!),叫我唔識就唔好DIY咁麻煩...!!um...雖然我知出面買都係有限錢,但係硬係覺得DIY先做到自己想要o既,就算唔靚都好,始終出自自己手嘛...所以到目前為止,我仲係想試試親手整!!!



張貼者： 於
標籤：

4 則留言:

  1. Yａnｎｅs2009年2月1日 清晨7:30


    cm* 路過..
    http://www.my3q.com/home2/263/meyannes/9697.phtml e個系有關 青少年瘦身 既問卷, 麻煩幫手做一下!

    回覆刪除
  2. man2009年2月1日 晚上9:19

    20 蚊...ok 啦...因為我係羅浮宮訂埋, 所以煩少依樣野...我係金都見到有d 靚d 都要38 蚊左右..... 
    [SkyBlue回覆02/02/2009 22:10:00]咦,咁如果我真係DIY唔o黎,咁都可以諗諗喎~~~
    近排又咁少見你o既~~~

    回覆刪除
  3. Jenny2009年2月1日 晚上10:24

    我個時都係搵winnie(cindy個friend)幫手整咋，自己就整屋企人個d
    [SkyBlue回覆02/02/2009 22:11:00]yup,我都有add佢MSN,諗住等我買齊材料唔識整向佢請教呢!!

    回覆刪除
  4. 月兒2009年2月1日 晚上11:32

    平平地, 又好好靚呀....
    [SkyBlue回覆02/02/2009 22:11:00]我都覺得個價錢幾合理o架其實,所以如果我DIY唔o黎,都可能要考慮幫襯!!!

    回覆刪除

訂閱： 張貼留言 (Atom)