有咩比病更慘?

有咩比病更慘?

...

就係食錯藥!!

今日已經係第三日病,星期四食完藥除o左退燒外一直到今日都好似無好過咁,依然氣促同好支力,仲心跳急促同開始有痛肚(醫生話係感冒困入腸!),最重要係我已經連續第三日無覺好訓,成日個幾鐘就醒一醒,好明顯係我食d藥唔o岩而令我無好番不持止,仲產生反效果!!!

結果,我今日還是乖乖出去沙田睇番睇開o個個醫生(星期四我發燒手軟腳軟,求其落o左屋企樓下睇!)!!都咪話唔神奇,改食新呢批藥後到而家都未夠兩個鐘,好明顯我個人無再溫溫dun dun,無o左氣促無埋心跳(應該話回復正常心跳!),感覺舒服番好多,希望今晚可以訓番覺好啦!!!

新正頭真係最緊要身體健康!!!

========================================================

病o左三日喇,幾日都係食粉麵同埋粥,個口好淡呀...但睇見d濃味o野就唔想食...如果襯機減番我過年發福o個幾磅就好喇!!