我要風生水起!!!

今日有位放完產假o既同事番工,由於我坐o左佢個位,所以我今日要調去另一邊坐!!今次已經係我入職三個月以o黎第二次搬位喇,我坐過o既三張台都俾我抹到乾乾淨淨,做埋清潔阿姐o個份...(我番咁耐工,都無見過呢度有阿姐清潔書台...)!!

由於新位無o左個keyboard tray,我坐唔夠半日已經腰酸肩痛,而且,好日都唔搵我o既user同同事都不約而同咁係下午搵我(仲要係d麻煩o野!),搞到我忽然間好似好忙咁...唔通呢個新位風水唔好???

希望唔係啦...改番個旺d o既標題旺旺自己先!!

P.S. 今日好多同事番工,又逗到唔少利是,計埋上星期同聽日應該有o既一封,總共收到十六封,應該破o左曆屆記錄喇!!!