煙花吐露賀(爸媽)回歸及弟妹牛一

朝早同honey出去買爸媽今晚食o既o野,都估到佢o地落機一定好支力,所以特登買好多清熱同酸酸甜甜(泰式雞腳, 水果沙律同腐皮Sushi!)o既食物等佢o地食得舒服d!!!

六點幾,終於收到媽媽電話喇,於是我趕緊抹地煲水執整齊間屋,仲開定冷氣等佢o地番o黎可以舒舒服服呢!!!一個鐘後,我今天牛一o既細佬打o黎,叫我即刻望回歸塔,原來個塔有激光射向天呀!!!而海中心一朝都泊滿'dun'船,似乎今晚真係放煙花呀,點解我事前咩風聲都收唔到o既~!!!???

八點,爸媽細佬終於回歸,結束我十天猛撞大板o既獨立生活(嗚...咁大個人自己照顧自己都咁論盡!!!),邊開餐爸媽邊講述呢十日o既遊歷,原來尋日london有炸彈,佢o地就o係附近,見到好多警車,但當時佢o地唔知發生咩事,所以唔識驚,好彩平安歸來呢!!!而且佢o地猛話歐洲d o野好貴、Swiss好靚、英國法國好凍同意大利好曬,個個曬到黑晒番o黎,睇落真係好似好辛苦呢,哈哈!!!

至於我o既手信就有手錶,鍊同一個番工手袋(相後補!),另外仲有好多小食品,好似朱古力、腸、芝士等等,今晚我就先食o左佢o地猛推介o既出奇蛋,因為呢個出奇蛋同香港賣o既好唔同,入面唔係蛋形o架,而且味道仲好似金莎,的確好好味呢!!!!媽媽話佢o地係地鐵站買o架咋,但買時都唔知咁特別,後尾想再買已經搵唔番,得番香港賣開o個種咋!!!

說著說著九點正,窗外望到o既回歸塔著晒燈,好靚呀,之後仲放煙花添,雖然落住大雨,但睇見海濱公園好多遊人去睇煙花,熱鬧熱況同中秋無分別呢!!!!'嘭嘭嘭'再加'嘩嘩嘩',雖然scale比維港細好多,但好靚呀,風又夠大,d煙好快就散,睇得好清,我仲用我爸新買部相機set晒腳架狂影,影o左好多靚相!!!!(以下係由相機video cut 出o黎,靚相機影o既未入,後補!)

咁大個女都未見過吐露港放煙花o架,我爸媽細佬番得o黎真合時,趕得及欣賞,d煙花彷彿o係度賀我爸媽細佬'回歸'一樣,仲順道慶祝埋我細佬妹今日o既生日添,我細佬妹認真有頭有面呢!!!!!(不過我妹今晚唔係屋企,生日會要等到星期一,而且佢走寶了,睇唔到煙花!!!)

好開心呀,屋企又熱熱鬧鬧了,希望隨住我家人回歸,我o既論盡都可以結束啦,哈哈!!!