女人最痛(私人網誌)

其實想寫呢個topic好耐,因為我發覺呢幾年痛得嚴重o左,中學時明明一d都唔痛呢...好想知大家係咪都係咁!!!

好似今日,只係第一日之嘛,已經好強勁,好痛好唔舒服,下午做o野根本集中唔到精神,好唔掂(其實次次我都有想請假o既衝動!!!)...夜晚丁o左個暖包放係小腹先好少少!!!

其實我懷疑今日咁勁係因為我上次第三日食o左煲薑醋,呢煲薑醋真係好燥,我除o左及後三日喉龍痛外,我之後o個日即時少o左,仲好快完,所以我懷疑上次俾d薑影響而少了,搞到今次多好多...我都知咁係好無科學跟據o架喇,但我真係好想知點先無咁痛無咁唔舒服...(其實我曾經以為做多d運動會無咁痛,但我都打o左個幾月squash啦,今次都咁唔掂...)...

不過,我都知自己唔算嚴重,因為我識朋友次次痛到要睇醫生食止痛葯,仲試過多次o係車上暈倒...

唉,女人最痛,真係有又煩無又煩...