Happy Birthday to 仙廸

聽日父親節,但我爸要番工,所以今日提早慶祝,去o左科學園飲茶!!爸爸仲帶埋新相機去影相,影相時,我要用力'登'大眼扮精神先唔覺個樣支力,哈哈!!!

下午大姐會有生日會,本來想燒好套'大姐會大全'(有齊咁多年來大家會影o既所有精彩相片!!)俾大家,相其實一早執好,只差在未copy多九隻出o黎,點知原來copy都要每隻10分鐘,搞o下搞o下遲晒大到,唯有copy住一隻咁多俾住今晚o既主角Cindy先!!!

之後出門口趕去尖沙咀拎Poster,再趕到中環會合Jenny同雞泡行去Clok為我o地精心安排o既地方"銀杏樓"食西餐!!!!呢間餐廳都幾特別,因為全部都係老伯伯做waiter o架,其中一住老伯伯個樣仲好可愛,佢睇住我o地嘻嘻哈哈唱生日歌食蛋榚時個樣笑得仲開心過我o地!!!!

今晚好熱鬧,八位大姐(Rebec個短髮嚇親我,好佩服佢o既勇氣,不過幾好睇呢!!!)再加三位男嘉賓,第一次見Roy咋,佢好似好靜,希望我o地班大姐咁嘈無嚇怕佢啦!!!今晚Clok同Chris鬥搞gag(都爛爛o地!哈哈!),好搞笑,特別係Clok o既'振奮奶茶',真係想知有幾'振奮'!!!!

食完o野食蛋榚,個蛋榚有籠sou包,好別緻呢!!!!之後送禮物,Clok買o左條兩用粉晶鍊俾主角Cindy,好靚呢!!!Clok仲好搞鬼咁問主角佢o既安排如何,哈哈,Clok,最掂係你啦

!!!