做家務

媽媽不在家,家裡大大小小家頭細務便落在我身上,呢幾日煮麵、抹地、煲水、餵魚同換魚缸水,都總算無出現任何差池,煮完o野記得熄火、出街記得關晒所有電掣抽氣、餵完魚同換完水都記得開水泵,d金魚都總算無病無痛,仍然生存...哈哈...

不過...尋日煲水時太貪心,將熱水壺湛得太滿,拎番上茶几時d剛煲滾o既水就瀉o左出o黎,淋親左手,狂沖水後急急在家找燙火膏,點知屋企原來無呢樣o野喎,唯有用濕毛巾包住左手繼續做家務!!!

敷o左大半日後好彩手背都無起泡,如果唔係就慘喇!!!!尋日手背'興'o左成日後,今朝起身完全唔痛,太好喇,只係好趕,襟落去有少少痛咋,不過就仲係紅緊,估唔到做少少家務都咁論盡喎!!!!(及後先知,原來我妹尋日批蘋果都切親手呀,唉也,要小心d嘛!!!)