又買又食

收到一個好消息,打從心入面高興,開始發覺自己o既事業相對o黎講,重要性真係低好多,甚至係可有可無(最好就唔需要有事業啦,哈!!!),加油!!!

星期日同屋企人出沙田食越餞,無去一排,今日覺得d份量細o左,爸同細佬都好似唔多夠!!!之後陪我細佬行街,主要係去三sprit掃貨,因為三sprit個九折今日last day,再加埋我細佬今個月生日,張三sprit卡有八折,所以變相七二折呀,買得好開心呢!!!

本來我想幫Honey買埋o野,點知沙田無想買o個款,所以番屋企call埋honey買,希望佢鍚住用,唔好又咁快好殘佢啦!!其實我仲有件心水背心想買,前排轉季三sprit掛o係廚窗時已經覺得好靚,但好貴,本來今日都無諗住買,點知honey一見就話件背心靚,所以結果我都係買o左,個碼得番一件,沙田o個邊亦無貨,嘻,我似乎應該慶幸自己買到呢!!!

再之後食o左雙層魚柳包,但同普通魚柳包無分別,唔似雙層芝士孖寶同芝士漢堡咁分別明顯,所以無驚喜!!!

夜晚睇報紙,Paris Hilton入獄事件真係好搞笑,睇得我津津有味呢!!另外仲有樣o野令我津津有味o既,就係我今晚同我細佬開晒兩包蒙牛牛奶(一包普通裝,一包deluxe)試,Deluxe明顯有奶味同香好多,可惜超巿無散裝買,只得十二盒裝,好似太多太貴,而家終於出o左八盒(定係六盒呢!?唔記得添!)裝剛剛好,yeah!!!